ઓ ઈશ્વર ભજીએ તને – દલપતરામ

ઓ ઈશ્વર ભજીએ તને, મોટું છે તુજ નામ;
ગુણ તારા નિત ગાઈએ, થાય અમારાં કામ;
હેત લાવી હસાવ તું, સદા રાખ દિલ સાફ;
ભૂલ કદી કરીએ અમે, તો પ્રભુ કરજે માફ.

પરોઢિયે નિત ઊઠીને લેવું ઈશ્વર નામ;
દાતણ કરી નાહ્યા પછી કરવા પાઠ તમામ;
કહ્યું કરો મા-બાપનું દો મોટાંને માન;
ગુરુને બાપ સમા ગણશો મલશે સારું જ્ઞાન.

આસપાસ આકાશમાં, અંતરમાં આભાસ;
ઘાસચાસની પાસ પણ, વિશ્વપતિનો વાસ;
ભોંયમાં પેસી ભોંયરે કરીએ છાની વાત;
ઘડીએ મનમાં ઘાટ તે જાણે જગનો તાત.

ખાલી જગ્યા ખોળીએ, કણી મૂકવા કાજ;
ક્યાંયે જગતકર્તા વિના, ખાલી મળે ન ઠામ.

નિંદ્રામહીં નહિ હતું તન ભાન જ્યારે,
જેણે જુઓ પૂરણ રક્ષણ કીધું ત્યારે,
તેને પ્રભાત સમયે પ્રથમે સ્મરું રે,
કાર્યો બધાં દિવસનાં પછીથી કરું રે.

Print This Article Print This Article ·  Save this article As PDF

  « Previous તાજ હોટલ – આર.એમ.લાલા
આપણે તો…. – રમણીક સોમેશ્વર Next »   

23 પ્રતિભાવો : ઓ ઈશ્વર ભજીએ તને – દલપતરામ

  1. bijal bhatt says:

    નિંદ્રામહીં નહિ હતું તન ભાન જ્યારે,
    જેણે જુઓ પૂરણ રક્ષણ કીધું ત્યારે,
    તેને પ્રભાત સમયે પ્રથમે સ્મરું રે,
    કાર્યો બધાં દિવસનાં પછીથી કરું રે.

    ખુબ સુંદર સત્ય

  2. pragnaju says:

    ભારત હોય કે પરદેશ ગુજરાતીના ઘેર ઘેર

    ઓ ઈશ્વર ભજીએ તને, મોટું છે તુજ નામ;
    ગુણ તારા નિત ગાઈએ, થાય અમારાં કામ;
    હેત લાવી હસાવ તું, સદા રાખ દિલ સાફ;
    ભૂલ કદી કરીએ અમે, તો પ્રભુ કરજે માફ.

    પ્રાર્થનામાં ગવાય છે.
    સંપૂર્ણ પ્રાર્થના બદલ
    ધન્યવાદ

  3. Neela says:

    હું નાની હ્તી ત્યારે આ પ્રાર્થના ગાતી હતી.
    મારા દિકરાઓને પણ શીખવાડી
    અને હવે દિકરાઓના બાળકોને પણ આ પ્રાર્થના શીખવાડી છે.

  4. પરઁપરાગત રીતે ચાલી આવેલી આ પ્રાર્થના
    દરેકના જીવનમાઁ ખૂબ જ બળ બક્ષે છે.જ્યાઁ
    ગુજરાતી,ત્યાઁ આ પ્રાર્થના.જ્યાઁ આ પ્રાર્થના,
    ત્યાઁ સઁસ્કાર ,વિવેક અને સૂઝ ! આ મારા
    બાળપણની અવિસ્મરણીય,ચિરઁજીવ ભેટ.
    આભાર કવિ અને ભાઇશ્રી મૃગેશભાઇનો !

  5. nilamhdoshi says:

    આ વાંચીને શૈશવની દુનિયામા ફરી એકવાર પ્રવેશ્યાનો લહાવો માણ્યો. એસમયે આ કેટલી હોંશથી ગાતા હતા. એ દિવસો યાદ આવી ગયા.

  6. dilip patwa says:

    ઓ ઇસ્વર ભજિયે તને એ મારી પ્રાર્થના હતી અમો બધા આજથી ૫૦ વરસ પહેલા આન્ખો બન્ધ કરી હાથ જોડી ગાતા હતા તે યાદ આવી ગયુ. આન્ખો ભીની થઈ. એ બધા સાથીઓ .. યાદ આવ્યા ..એ બધા કયોં હશે…બસ આગળ નથી લખાતુ.

  7. Bhavna Shukla says:

    ખાલી જગ્યા ખોળીએ, કણી મૂકવા કાજ;
    ક્યાંયે જગતકર્તા વિના, ખાલી મળે ન ઠામ.
    ………………
    પરમ ક્રુપાળુ પરમાત્માને કોટિ પ્રણામ…

  8. Jayesh Thakkar says:

    કવીશ્વરની અનેક શાશ્વત પ્રાર્થના-રચનાઓમાંની એક પવિત્ર પ્રસાદી. સીધી સાદી સરરર સટ્ટ…

  9. Dipika says:

    બહુ સરસ પ્રર્થાના. આપ એક બિજી પ્રર્થના પણ મુકો તો આપનો ખુબ આભાર..
    મન્દિર તારું વિશ્વ રુપાળું, સુંદર સર્જન હારા રે …

    આ પુરી પ્રાર્થના મને મળતી નથી.

  10. maurvi vasavada says:

    હુ અને મારો ભાઇ નાના હતા ત્યારે રોજ રાતે સુતી વખતે આ પ્રાર્થના ગાતા હતા. હવે મારી દિકરી ગાય છે. અને વરસો વરસ આ પ્રથા ચાલતી રહેશે.
    Thanks Mrugeshbhai for such small but very heart touchy moments.

  11. Vijayraj says:

    i thought these are just 4 lines..

    this is first time i came to know that this prayer
    has more than 4 lines..

    tnx a lot for this..

  12. Ramesh Desai says:

    ભગવાન તમારુ ભલુ કરે,આ લેખ વાચિ મને ગનો આન્દ થયો

નોંધ :

એક વર્ષ અગાઉ પ્રકાશિત થયેલા લેખો પર પ્રતિભાવ મૂકી શકાશે નહીં, જેની નોંધ લેવા વિનંતી.

Copy Protected by Chetan's WP-Copyprotect.