જિંદગાની – ઈશ્વર સુથાર ‘શિલ્પી’

રોમે રોમ ફરતી જિંદગાની છે !
મોડી કે વહેલી એ જવાની છે !

દશ્યો પણ હકીકત છે અનુભવની
એ હૃદય-ખરલમાં ઘૂંટવાની છે !

સમજણ પણ ટહુકે ડાળ પર બેસી
છાયા એક દી’ તો છોડવાની છે !

પડદા આંખના ખોલો જવાનીના
ચૂરેચૂર તો કાયા થવાની છે !

છે કામણ ભરેલાં રૂપ ને માયા
એથી પર મજાને માણવાની છે !

ને ફૂલો સમી મ્હેંકી રહી ક્ષણક્ષણ
ના એ રણ બનાવી કાપવાની છે !

માણસની ઉપેક્ષા થાય માણસથી
આલમ ના કદીયે માનવાની છે !

જાજરમાન છે વાર્ધક્ય ‘શિલ્પી’નું
ચાહી જિંદગી સન્માનવાની છે !

Print This Article Print This Article ·  Save this article As PDF

  « Previous હૃદયના સાદ – દિનેશ કાનાણી
સ્વપ્ન સરોવર – રમેશ ઠક્કર Next »   

7 પ્રતિભાવો : જિંદગાની – ઈશ્વર સુથાર ‘શિલ્પી’

  1. Pinki says:

    સુંદર વાત…….

    સમજણ પણ ટહુકે ડાળ પર બેસી
    છાયા એક દી’ તો છોડવાની છે !

    જાજરમાન છે વાર્ધક્ય ‘શિલ્પી’નું
    ચાહી જિંદગી સન્માનવાની છે !

  2. sujata says:

    manas ni upeksha thaay manavthi
    aalam na kadiye manvani che…………bahuj sachot vaat kari che………

    abhaar Mrugeshbhai……..

  3. pragnaju says:

    સરસ રચના
    દશ્યો પણ હકીકત છે અનુભવની
    એ હૃદય-ખરલમાં ઘૂંટવાની છે !
    પડદા આંખના ખોલો જવાનીના
    ચૂરેચૂર તો કાયા થવાની છે !
    સહજતાથી કહેવાયલું સનાતન સત્ય!

  4. ભાવના શુક્લ says:

    સરસ રચના!!

  5. BRIJESH says:

    its so wonderful.

  6. BRIJESH says:

    its so beautiful .will u pls send me the other poem on my e mail id.

નોંધ :

એક વર્ષ અગાઉ પ્રકાશિત થયેલા લેખો પર પ્રતિભાવ મૂકી શકાશે નહીં, જેની નોંધ લેવા વિનંતી.

Copy Protected by Chetan's WP-Copyprotect.