ટોળું – મોહમ્મદઅલી ભૈડુ “વફા”

[રીડગુજરાતી.કોમને આવી સુંદર રચના લખી મોકલવા બદલ શ્રીમોહમ્મદઅલીભાઈનો ખૂબ ખૂબ આભાર]

જુઓ ઉપર ને ઉપર જાયછે આ આભનું ટોળું.
અને એકીટશે નિરખી રહ્યું છે આશનું ટોળું.

હવે હું કઈ રીતે આ ભીડમાં મારો સ્વર શોધું;
ખરે આ માણસો છે કે ખાલી શ્વાસનું ટોળું.

સ્વજન મિત્રો ને સ્નેહીઓ શોધવા ક્યાંથી;
જુઓને આવજોમાં ખદબદે છે હાથનું ટોળું.

તમે મેકઅપ કરો છો કે ઊગાડો રૂપની ખેતી
કહીં ઉગી ન નીકળે ગાલ પર આંખનુ ટોળું.

તમે સાકી પરબ ઝાંઝવાની લઈને કયાં બેઠાં;
તમારા દ્વાર પર ભમ્યા કરે છે પ્યાસનું ટોળું.

ઘણું ઊડવાની હોડોમાં ગયા ચહેરા બધાં ભુલી;
જુઓ આકાશમાં પંખી ઉડે કે પાંખનું ટોળું.

“વફા” ચંપાનાં ફૂલોને તમે વાવીને શું કરશો;
ભ્રમર આવી નહીં શકશે ફરશે નાગનું ટોળું.

Print This Article Print This Article ·  Save this article As PDF

  « Previous મેરેજ ગીફટ – મહેન્દ્ર શાહ
મને ઘરે જવું છે…. – અનુ. મૃગેશ શાહ Next »   

11 પ્રતિભાવો : ટોળું – મોહમ્મદઅલી ભૈડુ “વફા”

  1. rakesh Chavda says:

    Very good poem meaning of each line is outstanding

  2. Jignesh Jani says:

    Are wah Mohamadalibhai, Kharekhar jordar kavita lakhi chhe, ek ek line ma hajaro ton vajan jetlo arth chhe. Thanks a lot.

  3. nayan panchal says:

    સરસ પંક્તિઓ.

    નયન

નોંધ :

એક વર્ષ અગાઉ પ્રકાશિત થયેલા લેખો પર પ્રતિભાવ મૂકી શકાશે નહીં, જેની નોંધ લેવા વિનંતી.

Copy Protected by Chetan's WP-Copyprotect.