જ્યાં લગની છે – મકરન્દ દવે

આ મોજ ચલી જે દરિયાની
તે મારગની મુહતાજ નથી.
એ કેમ ઊછળશે કાંઠા પર
એનો કોઈ અંદાજ નથી.

ઓ દોસ્ત, વહેતા જીવનની
આ કોણ સિતાર સુણાવે છે ?
આ બેઠો છે ક્યાં બજવૈયો ?
કૈં સૂર નથી, કૈં સાજ નથી.

હા, બે’ક ઘડી એ નયનોમાં
જોઈ છે એવી એક છબી,
ઝબકારે એક જ જાણી છે
જ્યાં કાલ નથી કે આજ નથી.

હરરોજ હજારો ગફલતમાં
હું ભૂલી જાઉં તને, પ્રીતમ !
ને એમ છતાં એવું શું છે
જે પ્રીતમ, તારે કાજ નથી ?

આ નૂરવિહોણી દુનિયામાં
મેં એક જ નૂર સદા દીઠું.
એક પંખી ટહુકી ઊઠ્યું તો
લાગ્યું કે તું નારાજ નથી…

આ આગકટોરી ફૂલોની
પરદા ખોલી પોકાર કરે
ઓ દેખ નમાઝી ! નેન ભરી
જ્યાં લગની છે ત્યાં લાજ નથી !

Print This Article Print This Article ·  Save this article As PDF

  « Previous ફરી જોજો ! – કપિલ ઠક્કર
માનો ગુણ – દલપતરામ Next »   

16 પ્રતિભાવો : જ્યાં લગની છે – મકરન્દ દવે

  1. nayan panchal says:

    આજે રીડગુજરાતી પર કાવ્ય દિવસ.

    બબ્બે સુંદર કાવ્યો આપવા બદલ મૃગેશભાઈનો આભાર.

    ખૂબ સરસ કાવ્ય.

    નયન

    “આ નૂરવિહોણી દુનિયામાં
    મેં એક જ નૂર સદા દીઠું.
    એક પંખી ટહુકી ઊઠ્યું તો
    લાગ્યું કે તું નારાજ નથી…”

  2. Rekha Sindhal says:

    એક પંખી ટહુકી ઊઠ્યું તો લાગ્યું કે તું નારાજ નથી…”વાહ…. વાહ……

  3. અતુલ જાની (આગંતુક) says:

    સુંદર કાવ્ય.

    શ્રી મકરંદ દવે એટલે સિદ્ધ-હસ્ત કવિ. તેમની કૃતિ માણવા મળે તે એક લ્હાવો છે.

    જો કે મને શિર્ષકનો અર્થ “જ્યાં લગની છે” તે ન સમજાયો.

  4. Mruga Dave says:

    આ મોજ ચલી જે દરિયાની
    તે મારગની મુહતાજ નથી.
    એ કેમ ઊછળશે કાંઠા પર
    એનો કોઈ અંદાજ નથી.

    સરસ કાવ્ય રચના….

  5. Rajendra Shah says:

    ” આ આગકટોરી ફૂલોની, પરદા ખોલી પોકાર કરે,
    ઓ દેખ નમાઝી ! નેન ભરી, જ્યાં લગની છે ત્યાં લાજ નથી ! ”

    આ છેલ્લી બે પંક્તિ રહી ગઈ છે.

    શીર્ષક ની પંક્તિ છે.
    હવે અર્થ સ્પષ્ટ થશે.

  6. Editor says:

    શ્રી રાજેન્દ્રભાઈ, આપનો ખૂબ આભાર.

    આ પંક્તિઓ કાવ્ય સાથે પ્રકાશિત થઈ ન હોવાથી મારી જાણમાં નહોતી. આપે માહિતી આપી તે બદલ આભાર. હું કાવ્યને સુધારી લઈશ.

    -તંત્રી

  7. અતુલ જાની (આગંતુક) says:

    રાજેન્દ્રભાઈ – ધન્યવાદ. મે બે ત્રણ વખત ફરી ફરી ને કાવ્ય વાંચ્યુ પણ તેમ છતા મને તેનું શિર્ષક ન સમજાયુ તે ન જ સમજાયું પરંતુ છેલ્લી બે પંક્તિઓ વાંચીને કાવ્ય એકદમ સ્પષ્ટ થઈ ગયું. ઘણી વખત શરત-ચૂકથી લેખનો કોઈ એવો ભાગ છપાવાનો બાકી રહી જતો હોય છે કે જેને લીધે લેખનો યથાર્થ ભાવ ન સમજી શકાય.

    બાકી તો જ્યાં લગની છે ત્યાં વળી લાજ કેવી !

  8. pragnaju says:

    મધુરું મધુરુંકાવ્ય
    તેમાં
    હરરોજ હજારો ગફલતમાં
    હું ભૂલી જાઉં તને, પ્રીતમ !
    ને એમ છતાં એવું શું છે
    જે પ્રીતમ, તારે કાજ નથી ?
    વાહ્

  9. rashmin n.pathak says:

    બ હ્જ સુદર્

  10. pragna says:

    અતિ સુન્દેર ,વહેતા જિવનનિ કોન સિતાર સુનાવે ચ્હે? આ બેથો ચ્હે ક્યા બજવેયો? કૈ સુર નથિ કૈ સાજ નથિ.સાઇ મકરન્દનિ કલ્પના મા ઇશ્વેર નિ અનુભુતિ થયા વગેર રહે નહિ.

  11. rahul says:

    દેશ મા તાજેતર મા ઘટૅલિ ઘટ્ના ઓ ના સન્દર્ભમા મકરન્દ દવે નિ એક કવિતા…… આ દેશનિ ખાજો દયા…..મુકવા વિન્નતિ……………….

નોંધ :

એક વર્ષ અગાઉ પ્રકાશિત થયેલા લેખો પર પ્રતિભાવ મૂકી શકાશે નહીં, જેની નોંધ લેવા વિનંતી.

Copy Protected by Chetan's WP-Copyprotect.