- Readgujarati.com - http://archive.readgujarati.in/sahitya -

કાવ્યસંચય – સંકલિત

[અ] બે અછાંદસ કાવ્યો – પ્રીતમ લખલાણી

[રીડગુજરાતીને આ કાવ્યો મોકલવા માટે શ્રી પ્રીતમભાઈનો (ન્યુયોર્ક, અમેરિકા) ખૂબ ખૂબ આભાર. આપ તેમનો +1 585-334-0310 પર સંપર્ક કરી શકો છો.]

[1] ક્યાં

કદાચ
આ નગરમાં
મને ક્યાંય
એકાદ ખુલ્લી બારી નજરમાં ચઢી જાય
ને
ત્યાં
જો
પંખી
ટહુકતું બેઠું હોય તો ?
હું
તેને
હોંશે હોંશે પૂછી જોઉં,
કે
‘દોસ્ત !
આ ઊંચા મકાનમાં….,
આ વિશાળ સોસાયટીમાં…,
અને
આ રૂપાળા બંગલા વચ્ચે
મારું ઘર ક્યાં હશે ?

[2] ફર્ક

નાતાલની સવારે
બાળકોને
ઈશુનો ઉપદેશ સમજાવતા
શિક્ષક બોલ્યા,
‘જો કોઈ
તમારા એક ગાલે
લાફો મારે તો !
તમારે તેની સમક્ષ
બીજો ગાલ ધરવો !’
બરાબર એ જ વખતે
વર્ગની બારી બહાર
આંગણામાં
લચી પડેલ આંબા પર
એક રાહદારીએ
પથ્થર ફેંકી
બે ચાર
કેરી ખેરવી નાંખી !
આ જોઈ
બાળકે શિક્ષકને પૂછ્યું !
‘સાહેબ !
ઈશુ
અને વૃક્ષમાં
શું ફર્ક ???’
.

[બ] બે કાવ્યો – અશોક દક્ષિણી

[રીડગુજરાતીને આ કાવ્યો મોકલવા માટે શ્રી અશોકભાઈનો (અબુધાબી, યુ.એ.ઈ.) ખૂબ ખૂબ આભાર. અંગ્રેજી માધ્યમમાં અભ્યાસ કર્યો હોવાથી ગુજરાતી કાવ્ય લખવાનો આ તેમનો પ્રથમ પ્રયત્ન છે. આપ તેમનો આ સરનામે dax_ashu@yahoo.com સંપર્ક કરી શકો છો.]

[1] દીકરી

દીકરી છે ઘરમાં સહુની સખી
વાત એ રાખજો તમે જરૂર લખી
કદાચ હોય પોતે એ આંતરમુખી
પણ જોવા ઈચ્છે એ ઘરના સહુને સુખી !

ઘરમાં જો ન હોય દીકરી
તો ચાંદીની થાળી પણ લાગે ઠીકરી
કરે ભલે એ સહુની મશ્કરી
પણ જાણશો એને ના તમે નિફિક્રી !

કોણે કહ્યું દીકરી છે પારકી થાપણ
એ તો છે આખા કુટુંબનું ઢાકણ
પ્રભુ દીકરીને આપે છે એવું ડહાપણ
એટલે એની વિદાયમાં સહુની ભરાય છે પાપણ !

દીકરી તો છે મમતા નો ભંડાર
એનાથી રહે પ્રફુલ્લિત ઘર સંસાર
માતા-પિતા ને માટે એ મીઠો કંસાર
છતાં કેમ દીકરા-દીકરીમાં ભેદભાવનો વ્યવહાર ?
.

[2] અલવિદા

કહેવી છે તને ઘણી બધી વાત
ગણી રહ્યો છું હું દિવસ અને રાત
સમય ને હું આપી માત
ક્યારે વિતાવીશ તારી સાથે પ્રભાત ?

સારી પેઠે ખબર છે મને
આખર મળીશ જ્યારે તને
સમય રહેશે નહીં મારી કને
અફસોસ રહેશે ફક્ત તને-મને !

છતાં મનડું એ પલ ઝંખે છે
તારી જુદાઈ મને બહુ ડંખે છે
હાલ તો તારી યાદ જ મારી સંગે છે
તારો જ ખ્યાલ મારા એકએક અંગે છે !

હશે એ મંજુરે-ખુદા
કે રહિએ આપણે જુદા
ભલે હું તારા પર ફિદા
હાલ તો તને ફક્ત અલવિદા !