- Readgujarati.com - http://archive.readgujarati.in/sahitya -

માગું છું – વર્ષા ગોંડલિયા ‘અશરવ’

[નવોદિત યુવાસર્જક વર્ષાબેન બાળપણથી કાવ્ય-ગઝલો લખવાનો શોખ ધરાવે છે. ‘ગઝલ’ તેમનો પ્રિય કાવ્ય-પ્રકાર છે. હાલમાં થોડા વર્ષો પહેલાં MBA-Finance પૂર્ણ કરીને તેઓ પુન: સર્જનક્ષેત્રે કાર્યરત થયા છે. રીડગુજરાતીને આ કૃતિ મોકલવા માટે વર્ષાબેનનો (નવસારી, ગુજરાત) ખૂબ ખૂબ આભાર. આપ તેમનો આ સરનામે varshag_mba@yahoo.co.in સંપર્ક કરી શકો છો.]

જીતની અંતમાં અપાય એવું ઈનામ માગું છું,
મારી જિંદગીમાં લખવા તારું નામ માગું છું.

અહમના ઉન્માદમાં છકી જાવું છે હવે,
તારા હોવાપણાનું મારામાં અભિમાન માગું છું.

અપમાનનો ભાર ખુશીથી પચાવું છું પણ,
તું કરે હૃદયથી તો થોડું સન્માન માગું છું.

વ્યસ્તવાળી જિંદગી જો કે મને ગમે છે,
તારા જીવનની બે પળ સુમસાન માગું છું.

રાહ પર આવ જા છે પરીચિત ચહેરાની
તારી સાથે ચાલવા કેડી ગુમનામ માગું છું.