પ્રેમનું પીછું – અનિલ ચાવડા

લ્યો અમારા પ્રેમને પીંછું કહી દો,
એ ન ફાવે તો કશું બીજું કહી દો.

ફેરવો નહિ આમ અમને ગોળગોળ,
જે કહેવું હોય તે સીધું કહી દો.

પ્રેમ, નફરત, ધૂળ, ધાણી કે કશું પણ,
શું અમારી આંખમાં દીઠું ? કહી દો.

આપ બોલી ના શકો ઊંચા સ્વરે તો,
કાનમાં આવી ધીમું ધીમું કહી દો.

સાચવે છે આપનાં સઘળાં સ્મરણને,
આ હૃદયને લ્યો હવે ખિસું કહી દો.

શક્ય છે હું વૃક્ષ માફક જાઉં ખીલી,
જો તમે કાંઈક લીલું લીલું કહી દો.

Print This Article Print This Article ·  Save this article As PDF

  « Previous માગું છું – વર્ષા ગોંડલિયા ‘અશરવ’
કૃષ્ણલીલા પ્રસંગ – શ્રીમદ્ ભાગવત Next »   

19 પ્રતિભાવો : પ્રેમનું પીછું – અનિલ ચાવડા

  1. Himanshu says:

    વાહ વાહ….. Amazing….. the ‘Feel Good Factor’ works here…

  2. nilam doshi says:

    ખૂબ સુન્દર

  3. nayan panchal says:

    ખૂબ જ સરસ રચના.

    નયન

  4. નિર્લેપ ભટ્ટ - દોહા says:

    પીછા જેવી હળવી અને સરસ રચના.

  5. pragnaju says:

    પ્રેમ, નફરત, ધૂળ, ધાણી કે કશું પણ,
    શું અમારી આંખમાં દીઠું ? કહી દો.
    ખૂબ સરસ
    યાદ આવી
    આ સઘળાં ફૂલોને કહી દો યુનિફોર્મમાં આવે,
    પતંગિયાઓને પણ કહી દો સાથે દફતર લાવે.

  6. Hiral Thaker "Vasantiful" says:

    ખુબ જ સરસ રચના.

  7. Geetika parikh dasgupta says:

    અતિ ઉત્તમ …..

  8. Jayesh Thakkar says:

    ખૂબ સરસ અભિવ્યક્તિ. અનિલભાઈને વિનંતિઃ બીજું કાવ્ય આપો અને એમાં કહો કે પછી શું થયું – એમણે શું કહ્યું?

  9. satvik shah says:

    વાહ વાહ ! શું કહું હવે અધુરા પ્રેમ ને ભાષા કેમ કરી ને નઇ મળે ? … આજ તો શબ્દો હતાં મરી ગયા તા બનાવતા બનાવતા… આ તો અહીં ક્યારનાય કવિતા માં ઢળી ચુક્યા હતા.

  10. ભાવના શુક્લ says:

    અરે આ તો વળી બહુ મજાનુ !!!!!
    …………………………..
    સાચવે છે આપનાં સઘળાં સ્મરણને,
    આ હૃદયને લ્યો હવે ખિસું કહી દો.

  11. સુંદર ગઝલ.. વિચારનું નાવીન્ય અને અભિવ્યક્તિની તાજગી અનિલની કલમનું સબળું પાસું છે…

  12. અનિલ ચાવડા !
    ગુજરાતી કવિતા-ખાસ કરીને ગઝલ ક્ષેત્રે નવી અને તાજગીસભર કલમ….
    – અભિનંદન.

  13. સુંદર ગઝલ !
    ગુજરાતી ગઝલ ક્ષેત્રે ઉભરતી,સક્ષમ પ્રતિભા.

  14. UDAY CHAUDHARI says:

    સરસ.

નોંધ :

એક વર્ષ અગાઉ પ્રકાશિત થયેલા લેખો પર પ્રતિભાવ મૂકી શકાશે નહીં, જેની નોંધ લેવા વિનંતી.

Copy Protected by Chetan's WP-Copyprotect.