તો ખરા ! – ‘પથિક’ પરમાર

ઝાંઝવાંને બાથ ભીડો, તો ખરા;
પેટમાં અજગરને પાળો, તો ખરા.

દીવડાને દૂર રાખી જ્યોતથી
અંધકારોને ઉલેચો, તો ખરા.

પાનખરને આમ હડસેલો નહીં;
શક્યતાને આવકારો, તો ખરા.

સામસામે જોઈ લેવું ઠીક છે;
ભીંત સોંસરવા નિહાળો, તો ખરા.

ચાર પળનો ચટકો ક્યાંથી પાલવે ?
શ્વાસના સંબંધ રાખો, તો ખરા.

એક હોઠે સ્મિત ફરકાવો અને
એક આંખે ગમ વહાવો, તો ખરા.

દ્વાર સામે ઝૂરતી પીળાશ છે;
સ્હેજ દરવાજો ઉઘાડો, તો ખરા.

Print This Article Print This Article ·  Save this article As PDF

  « Previous ધીરે ધીરે – વિવેક કાણે ‘સહજ’
દુલારું દાંપત્ય – સં. મહેન્દ્ર મેઘાણી Next »   

10 પ્રતિભાવો : તો ખરા ! – ‘પથિક’ પરમાર

  1. nayan panchal says:

    સરસ રચના.

    નયન

    “એક હોઠે સ્મિત ફરકાવો અને
    એક આંખે ગમ વહાવો, તો ખરા.”

  2. બધુ જ થઇ શકે છે, પણ એક કવિતા લખો તો ખરા.

  3. pragnaju says:

    સુંદર
    ચાર પળનો ચટકો ક્યાંથી પાલવે ?
    શ્વાસના સંબંધ રાખો, તો ખરા.
    એક હોઠે સ્મિત ફરકાવો અને
    એક આંખે ગમ વહાવો, તો ખરા.
    વાહ્
    ગુંજી અમર અવિનાશની પંક્તીઓ
    ઘાયલને શું થાય છે ? પૂછો તો ખરા
    આંખ મિલાવી આંખ કાં શરમાઇ છે? પૂછો તો ખરા

  4. અતુલ જાની (આગંતુક) says:

    દિ’ રાત માયા મૃગજળ સાથે બાથ ભીડી, તમેય તે છો ખરા;
    ભુખ રુપી અજગર પેટે પાળ્યો, તમેય તે છો ખરા.

    જ્ઞાનરુપી જ્યોતને દીવડાની શુ જરુર ?
    અજ્ઞાનનો અંધકાર ઉલેચ્યો, તમેય તે છો ખરા

    આવે વસંત કે બેસે પાનખર;
    સુખદુઃખમાં સમ રહો, તમેય તે છો ખરા

    એવા વ્યાપ્યા છો સઘળે, સામે તો ઠીક;
    પણ ભીંત સોંસરવા ય હવે દેખાવ છો, તમેય તે છો ખરા

    શ્વાસે શ્વાસે હં સો હમ ના જાપ છે
    કાળ ના ય તમે કાળ છો, તમે તો છો ખરા

    હોઠે મધુરું સ્મિત ફરકાવો છો;
    અને આંખો કરુણાથી વહે, તમેય તે છો ખરા

    ઝુરતી પીળાશ ભલે પાંગરે;
    તમ દ્વાર સદા રહે ખુલ્લા, તમેય તે છો ખરા

  5. ભાવના શુક્લ says:

    બસ એજ નીકળી આવ્યુ હૃદય સોંસરવુ કે…

    ઘાયલને શું થાય છે ? પૂછો તો ખરા
    આંખ મિલાવી આંખ કાં શરમાઇ છે? પૂછો તો ખરા

  6. Ashish Dave says:

    સુંદર ગઝલ અને સુંદર પ્રતિભાવો

    Ashish Dave
    Sunnyvale, California

નોંધ :

એક વર્ષ અગાઉ પ્રકાશિત થયેલા લેખો પર પ્રતિભાવ મૂકી શકાશે નહીં, જેની નોંધ લેવા વિનંતી.

Copy Protected by Chetan's WP-Copyprotect.