વહાલપ – હેમંત દેસાઈ

વહાલપને ન્હોય નામ રૂપનાયે બંધ
દરિયાની ભરતી શી વ્યાકુળ થઈ છલકાતી
……દુનિયાની સીમ મહીં એની સુગંધ !
……વહાલપને ન્હોય નામ રૂપનાયે બંધ !

ગમતાને ગોઠવાનું ગોઠે ત્યાં ગમવાનું
ફૂલપણું ફેલાવ્યે જાવું,
દૂરની અદીઠ કોઈ ડાળીએથી કોકિલનો
વન ભરતો કંઠ બની ગાવું;
કેફ કરે આસમાની-કેસરિયા તોય એને
…….ઊડતા ગુલાલના લાલથી સંબંધ !
…….વહાલપને ન્હોય નામ રૂપનાયે બંધ

ડાળ વિના ખીલનારું; માળ વિના ઝૂલનારું
ફૂલ એને અવકાશી થાવું,
વન વનને ઠેકીને હરણાંની જેમ એને
નીતરાં સરજલમાં જઈ ન્હાવું;
નેણ કશાં તેજીલાં નજરું મરમાળ તોય
…….વરસે ત્યાં વર્ષોનું આભ જાણે અંધ !
…….વહાલપને ન્હોય નામ રૂપનાયે બંધ !

Print This Article Print This Article ·  Save this article As PDF

  « Previous ઢોસાના સ્મરણોનું ખંડકાવ્ય – સ્નેહલ ન. મુઝુમદાર
દિલોજાન દોસ્તી ! – પ્રણવ કારિયા Next »   

15 પ્રતિભાવો : વહાલપ – હેમંત દેસાઈ

  1. nayan panchal says:

    સુંદર રચના.

    નયન

  2. શબ્દ વિના બોલનારું; પાંખ વીના ઉડનારું
    સ્મિત એને મધમીઠું થાવું,
    જન જનના હૈયામાં સ્પંદનો જગાડી એને
    જન ગણ મન પ્રેમગીત ગાવું;
    કોઈ એને તરછોડી હાંકીને કાઢે તોય
    …….ફરી ફરી છેડે એનો સુરિલો છંદ !
    …….વહાલપને ન્હોય નામ રૂપનાયે બંધ !

  3. pragnaju says:

    ગમતાને ગોઠવાનું ગોઠે ત્યાં ગમવાનું
    ફૂલપણું ફેલાવ્યે જાવું,
    દૂરની અદીઠ કોઈ ડાળીએથી કોકિલનો
    વન ભરતો કંઠ બની ગાવું;
    કેફ કરે આસમાની-કેસરિયા તોય એને
    …….ઊડતા ગુલાલના લાલથી સંબંધ !
    …….વહાલપને ન્હોય નામ રૂપનાયે બંધ
    વાહ સુંદર પંક્તીઓ

  4. Vital Patel says:

    ડાળ વિના ખીલનારું; માળ વિના ઝૂલનારું
    ફૂલ એને અવકાશી થાવું,
    વન વનને ઠેકીને હરણાંની જેમ એને
    નીતરાં સરજલમાં જઈ ન્હાવું
    ખૂબ ખૂબ ગમ્યું

    વિતલ પટેલ

  5. Ashish Dave says:

    Simply superb…

    Ashish Dave
    Sunnyvale, California

નોંધ :

એક વર્ષ અગાઉ પ્રકાશિત થયેલા લેખો પર પ્રતિભાવ મૂકી શકાશે નહીં, જેની નોંધ લેવા વિનંતી.

Copy Protected by Chetan's WP-Copyprotect.