ત્રિપદી – હેમેન શાહ

[1]
વૃક્ષને તાજા પવનનો કેફ છે,
પથ્થરો પર કંઈ અસર થાતી નથી
એ ઋતુના ચક્રથી વાકેફ છે.

[2]
વ્યસ્ત બહુ લાગે છે આજે વાયરા,
મોગરો, ચંપો, જૂઈ પાસે લીધા
કેટલાં ફોરમ તણાં સંપેતરાં.

[3]
બેસતાં ગભરાય એ સંભવ નથી,
પીઠ હો એ ભેંસની કે સિંહની,
દેવચકલીને કશી અવઢવ નથી.

[4]
વેશભૂષાથી કદી પરખાય છે ?
આ સમય ચાલાક છે બહુરૂપિયો.
ક્યાંક સાબર, ક્યાંક ગોકળગાય છે.

[5]
ડેલી એ કાળી હતી, ઊંચી હતી,
રત્નમંડિત ભવ્ય દરવાજો હતો,
ને ઉષાની સોનેરી કૂંચી હતી.

[6]
વહીવટ બધો કોણ નક્કી કરે ?
કયું પાન ખરશે ? કયું બી ફળે ?
ક્યો છોડ ક્યારે તરક્કી કરે ?

[7]
જીવન અલ્પ ને લાગે પામર ભલે,
રહે ઘાસ હંમેશ આનંદમાં,
બધી કોર વૃક્ષો કદાવર ભલે.

[8]
કાલ મળશે પડેલો શેરીમાં,
એની ચિંતા કર્યા વગર હમણાં
ચાંદ ઝૂલે છે નાળિયેરીમાં.

Print This Article Print This Article ·  Save this article As PDF

  « Previous હું ડૉક્ટર, હું દર્દી – ડૉ. પ્રદીપ પંડ્યા
કરી લીધી – અમૃત ઘાયલ Next »   

14 પ્રતિભાવો : ત્રિપદી – હેમેન શાહ

  1. nayan panchal says:

    સુંદર રચનાઓ.

    નયન

    “વેશભૂષાથી કદી પરખાય છે ?
    આ સમય ચાલાક છે બહુરૂપિયો.
    ક્યાંક સાબર, ક્યાંક ગોકળગાય છે.”

  2. Hiral Thaker "Vasantiful" says:

    ખુબ જ સુંદર

    “ડેલી એ કાળી હતી, ઊંચી હતી,
    રત્નમંડિત ભવ્ય દરવાજો હતો,
    ને ઉષાની સોનેરી કૂંચી હતી.”

    “વહીવટ બધો કોણ નક્કી કરે ?
    કયું પાન ખરશે ? કયું બી ફળે ?
    ક્યો છોડ ક્યારે તરક્કી કરે ?”

  3. Pratik says:

    “બેસતાં ગભરાય એ સંભવ નથી,
    પીઠ હો એ ભેંસની કે સિંહની,
    દેવચકલીને કશી અવઢવ નથી”

  4. tejal tithalia says:

    nice …….

    વેશભૂષાથી કદી પરખાય છે ?
    આ સમય ચાલાક છે બહુરૂપિયો.
    ક્યાંક સાબર, ક્યાંક ગોકળગાય છે.

  5. વાંચતા જ ગમી જાય એવી નાવીન્યસભર ત્રિપદીઓ…

  6. PAMAKA says:

    વાહ વાહ ખુબ સુન્દર રચના

  7. palabhai muchhadia says:

    સુન્દર કાવ્ય મધુરતાથિ મનમા શિતળતા ઉત્પ્ન્ન કરે , કવિતામા મિઠાશ સમાયેલિ છે.

  8. pragnaju says:

    હેમેન શાહની મઝાની ત્રિપદીઓ
    વહીવટ બધો કોણ નક્કી કરે ?
    કયું પાન ખરશે ? કયું બી ફળે ?
    ક્યો છોડ ક્યારે તરક્કી કરે ?
    વાહ્

  9. Maharshi says:

    ખુબ સરસ રચનાઓ….

  10. કલ્પેશ says:

    સરસ.

    આવી ત્રિપદી કદી વાંચવામા આવી નથી. શુ આ પ્રકારની કૃતિએઓ ગુજરાતીમા પહેલેથી છે? (જેમ કે છપ્પાઓ, ચોપાઇ)

  11. preetam lakhlani says:

    પ્રિય હેમન્ ધણા દિવસ બાદ તારી ત્રિપદિ વાચ વા મલિ, બ હુજ મજા આવી, બહુ જ સરસ લાગી.

નોંધ :

એક વર્ષ અગાઉ પ્રકાશિત થયેલા લેખો પર પ્રતિભાવ મૂકી શકાશે નહીં, જેની નોંધ લેવા વિનંતી.

Copy Protected by Chetan's WP-Copyprotect.