- Readgujarati.com - http://archive.readgujarati.in/sahitya -

હરિ તારાં નામ છે હજાર

હરિ તારાં નામ છે હજાર ! કયે નામે લખવી કંકોતરી !
રોજ રોજ બદલે મુકામ, કયે ગામે લખવી કંકોતરી !

મથુરામાં મોહન તું, ગોકુળમાં ગોવાળિયો,
દ્વારિકાનો રાય રણછોડ. કયે નામે લખવી કંકોતરી.

કોઈ સીતારામ કહે કોઈ ઘનશ્યામ કહે,
કોઈ કહે નંદનો કિશોર. કયે નામે લખવી કંકોતરી.

ભક્તોની રાખી ટેક રૂપ ધર્યાં તે અનેક,
અંતે તું એકનો એક. કયે નામે લખવી કંકોતરી.

ભક્તો તારા અપાર, ગણતાં ન આવે પાર,
સાચવવા તારો વહેવાર. કયે નામે લખવી કંકોતરી.

નરસિંહ મહેતાનો સ્વામી શામળિયો,
મીરાંનો ગીરધર ગોપાલ. કયે નામે લખવી કંકોતરી.

રાધાનો કનૈયો તું પરિવારનો,
ચરણ ચટ વૈષ્ણવ પરિબળો. કયે નામે લખવી કંકોતરી.