- Readgujarati.com - http://archive.readgujarati.in/sahitya -

શૂન્ય સરવાળો – જય શાહ

[આમ જુઓ તો આ ન તો કાવ્ય છે કે ન તો ગઝલ ! હકીકતે આ કાવ્ય કે ગઝલ તરફ જવાનો પ્રયત્ન છે. એક નવયુવાનના મનમાં ઉગતી સંવેદનાઓએ માતૃભાષાની આંગળી પકડીને કશુંક સર્જવા કરવા કરેલો આ પ્રયાસ છે. બાળકની તોતડી બોલીમાં છંદ, કર્તા, કર્મ, ક્રિયાપદ કંઈ ન હોય તો પણ મા તેને કશાય પ્રયત્ન વગર સમજી લે છે કારણ કે મા જાણે છે કે વાક્યોનું બંધારણ તો એ શીખી જશે; સવાલ અંત:કરણના ભાવનો છે. અભ્યાસઅર્થે ઓસ્ટ્રેલિયા ગયેલા 21વર્ષીય જયને એકલતાનો સ્પર્શ થતાં કંઈક કાવ્ય રચવાની ઈચ્છા જાગી. (કેવી સુંદર ઘટના !) તે પછી હૃદયના ભાવોરૂપી ખડિયામાં કલમ બોળીને જે કંઈ લખાયું તે આ ! કવિતા રચવાનો આ તેમનો પ્રથમ પ્રયાસ છે. સર્જનક્ષેત્રે જય ખૂબ પ્રગતિ કરે તેવી શુભેચ્છાઓ. રીડગુજરાતીને આ કૃતિ મોકલવા માટે જયનો ખૂબ ખૂબ આભાર. આપ તેનો આ સરનામે સંપર્ક કરી શકો છો : jay_goodfriend@yahoo.co.in –તંત્રી.]
.

હા, હું કદાચ ન’તો ઊભો એ કતારોમાં,
જ્યાં ખુદા નસીબ વહેંચતા’તા હજારોમાં.

સમજી લીધો આવરા જો તારી ગલીમાં હું ભટકતો,
તને કદી પ્રેમ ન દેખાયો મારી લટારોમાં.

રાત ગમે છે મને કે હોય છે હસીન સપનાથી ભરેલી,
બાકી તો ઉદાસી જ આવી છે હંમેશા સવારોમાં.

કહેતી હોય તો જીવ આપી દઉં, મારો પ્રેમ સાબિત કરવા,
પણ પછી શું તું મને શોધીશ બધી મઝારોમાં ?

કોઈ આવે તો આંસુ લૂછી અને એક ખોટું સ્મિત આપું છું,
જીવન અભિનય કરતાં શીખવી દે છે ઘણા કિરદારોમાં.

સરવાળો શૂન્ય થાય જો મને યાદ કરનારાની ગણતરી કરું,
આમ પણ વિતેલો સમય ક્યાં હોય છે કોઈના વિચારોમાં ?

યંત્ર નથી કઈ દુઃખ આપવાનું ‘જય’, એવું કોઈ ક્યારે સમજશે,
મારા મિત્રોએ તો મારી લાગણીઓ પણ વેચી દીધી બજારોમાં.