સામે કિનારે – મનહર મોદી

કહે છે, ઉનાળો તો આંસુઓ સારે
ને કારણ પૂછું છું તો કપડાં નિતારે.

તમે કાલ રાત્રે જે સપનાં ઉઘાડ્યાં
એ હમણાં બતાવું કે કાલે સવારે ?

અહીં ક્યારનો એમ બેસી રહ્યો છું
કે પડછાયો મારો છે સામે કિનારે.

ઘણી વાર એમ જ ગગનમાં જઉં છું
મને ચાંદ પોતાના ઘરમાં ઉતારે

હવે ઊંઘ આવે તો દરિયાઓ ઢોળું
ભલી આંખ મારા જ જેવું વિચારે.

અહીં રમ્ય ખુશ્બો અને કંટકો છે
એ જાણીને જે કોઈ આવે, પધારે.

સમય હોય ડંકા તો ચાલો વગાડો
અમે જોઈએ બાર વાગે છે ક્યારે ?

Print This Article Print This Article ·  Save this article As PDF

  « Previous આજે વિરામ – તંત્રી
મણ મણના ભારના… – મકરન્દ દવે Next »   

16 પ્રતિભાવો : સામે કિનારે – મનહર મોદી

  1. સમય હોય ડંકા તો ચાલો વગાડો
    અમે જોઈએ બાર વાગે છે ક્યારે ?

    આ સુંદર રચના વાંચીને ખુબ આનંદ થયો. આભાર !

  2. C’est un vrai délice de lire ce beau gazal bien rythmé
    Merci
    TRanslate
    It is true one delight to read this nice and well regulated gazal
    Thanks

  3. pragnaju says:

    અહીં ક્યારનો એમ બેસી રહ્યો છું
    કે પડછાયો મારો છે સામે કિનારે.
    વાહ્
    હળવે ઝાકળ ઝૂલતાં તૃણે સળવળે પડછાયો !

નોંધ :

એક વર્ષ અગાઉ પ્રકાશિત થયેલા લેખો પર પ્રતિભાવ મૂકી શકાશે નહીં, જેની નોંધ લેવા વિનંતી.

Copy Protected by Chetan's WP-Copyprotect.