સુખના ધણ – ગુલામ અબ્બાસ ‘નાશાદ’

આંખોમાં આંસુ ખૂટ્યા છે,
કોણે આ ફૂલો ચૂંટ્યા છે ?

થાય ન સંપર્ક કોઈ રીતે,
સંબંધોના પુલ તૂટ્યા છે.

હાથોમાં કંઈ હાથ હતા પણ,
એક એક કરતાં સૌ છૂટ્યા છે.

આવો મિત્રો સાથે રડીએ,
ભાગ અમારા પણ ફૂટ્યા છે.

નામ કશું ન કમાયા બાકી,
ઝેર અમે પણ કંઈ ઘૂંટ્યા છે.

જાણીને શું કરશો ‘નાશાદ’
કોણે સુખના ધણ લૂંટ્યા છે.

Print This Article Print This Article ·  Save this article As PDF

  « Previous સ્પન્દન – ચંદ્રકાન્ત નિર્મલ
ગઝલ – હેમંત ગોહિલ Next »   

7 પ્રતિભાવો : સુખના ધણ – ગુલામ અબ્બાસ ‘નાશાદ’

  1. Ashmita Mehta says:

    ખોૂબ સરસ …

  2. nayan panchal says:

    ખરેખર નાશાદ કવિતા છે.

    હાથોમાં કંઈ હાથ હતા પણ,
    એક એક કરતાં સૌ છૂટ્યા છે.

    Requiem for a Dream.

    નયન

નોંધ :

એક વર્ષ અગાઉ પ્રકાશિત થયેલા લેખો પર પ્રતિભાવ મૂકી શકાશે નહીં, જેની નોંધ લેવા વિનંતી.

Copy Protected by Chetan's WP-Copyprotect.