- Readgujarati.com - http://archive.readgujarati.in/sahitya -

હરિને ભજતાં – પ્રેમળદાસ

હરિને ભજતાં હજુ કોઈની લાજ,
જતા નથી જાણી રે,
જેની સુરતા શામળિયાની સાથ,
વદે વેદ વાણી રે.

વાલે ઉગાર્યો પ્રહલાદ,
હિરણાકશ્યપ માર્યો રે,
વિભીષણને આપ્યું રાજ,
રાવણ સંહાર્યો રે….. હરિને….

વા’લે નરસિંહ મહેતાનો હાર,
હાથો હાથ આપ્યો રે;
ધ્રુવને આપ્યું અવિચલ રાજ,
પોતાનો કરી સ્થાપ્યો રે…. હરિને…

વા’લે મીરાંબાઈના ઝેર,
હળાહળ પીધાં રે;
પાંચાલીના પૂર્યાં ચીર,
પાંડવકામ કીધાં રે…. હરિને….

આવો હરિભજવાનો લ્હાવો,
ભજન કોઈ કરશે રે;
કર જોડી કહે પ્રેમળદાસ,
ભક્તોના દુ:ખ હરશે રે…. હરિને….