હતું – હરિશ્ચન્દ્ર જોશી

આમ તો નખ જેટલું ના કોઈ પણ સગપણ હતું.
તે છતાં આ જગ વિષે કોનું મને વળગણ હતું ?

નામ એનું બોલતાં મોઢું ભરાતું સ્વાદથી,
એક નાના શબ્દમાં પણ કેટલું ગળપણ હતું !

જાય છે કાચી ક્ષણો પીઠે ઊંચકતી બોજને,
એમને ચોગાન વચ્ચે શોધતું બચપણ હતું;

રેત, ડમરી, ઝાંઝવાં રણમાં પછી ભેગાં થયાં,
ને ઘડ્યું ષડયંત્ર જેમાં સૂર્યનું વડપણ હતું;

હું થીજેલી યાદ જેવી ભીંતની બારી બન્યો,
ખૂલવું ને બંધ થાવું એટલું સમરણ હતું;

નિષ્પલક તાક્યા કરે છે પંથને આંખો હવે,
શુષ્કતાની પ્રક્રિયામાં એ પ્રથમ પગરણ હતું.

Print This Article Print This Article ·  Save this article As PDF

  « Previous ફૂલ સૌ જ્યારે – બરકત વીરાણી ‘બેફામ’
રખડપટ્ટી – અશ્વિન ચંદારાણા Next »   

19 પ્રતિભાવો : હતું – હરિશ્ચન્દ્ર જોશી

  1. નીલા says:

    સુંદર કાવ્ય રચના

  2. કેતન રૈયાણી says:

    રેત, ડમરી, ઝાંઝવાં રણમાં પછી ભેગાં થયાં,
    ને ઘડ્યું ષડયંત્ર જેમાં સૂર્યનું વડપણ હતું….

    વાહ ભાઈ વાહ…!!!!

  3. varsha says:

    ખુબ ખુબ ખુબ સરસ

    નામ એનું બોલતાં મોઢું ભરાતું સ્વાદથી,
    એક નાના શબ્દમાં પણ કેટલું ગળપણ હતું !

    જાય છે કાચી ક્ષણો પીઠે ઊંચકતી બોજને,
    એમને ચોગાન વચ્ચે શોધતું બચપણ હતું;

    વાહ મજા આવી માણવાની

    આભાર મ્રુગેશભાઈ

  4. nayan panchal says:

    સુંદર રચના.

    નયન

  5. Pratibha says:

    મૌલિકતાનો સ્પશૅ મનને આનંદથી ભરી ગયો. રચયિતાને આભિનંદન

  6. jeet says:

    this is brilliant….exceptionally well expressed……thanks!

  7. ભાવના શુક્લ says:

    રેત, ડમરી, ઝાંઝવાં રણમાં પછી ભેગાં થયાં,
    ને ઘડ્યું ષડયંત્ર જેમાં સૂર્યનું વડપણ હતું;
    ……………….
    અતિ સરસ !!!

  8. નામ એનું બોલતાં મોઢું ભરાતું સ્વાદથી,
    એક નાના શબ્દમાં પણ કેટલું ગળપણ હતું !

    – ક્યા બાત હૈ ! ખૂબ જ સુંદર શેર… વાહ…

નોંધ :

એક વર્ષ અગાઉ પ્રકાશિત થયેલા લેખો પર પ્રતિભાવ મૂકી શકાશે નહીં, જેની નોંધ લેવા વિનંતી.

Copy Protected by Chetan's WP-Copyprotect.