તમે મને ઓળખો છો ? – સ્મિતા કામદાર

[રીડગુજરાતીને આ સુંદર કૃતિ મોકલવા માટે શ્રીમતી સ્મિતાબહેન કામદારનો (દહીંસર, મુંબઈ) ખૂબ ખૂબ આભાર.]

કોણ છું હું ? કહી શકશો તમે ? આપણે મળ્યા છીએ ક્યારેય ? નથી મળ્યા ને, તો પછી મારા વિશે તમારી શું ધારણા છે ? નથી જાણતી હું અને તમે પણ, છતાં કોઈકના વિશે એને મળીએ કે મળ્યા વગર, ફકત એના વિચારો પરથી કે બાહ્ય દેખાવ પરથી ઘણું ધારી લઈએ છીએ. અને આ જ ધારણા ધીરે ધીરે એક ચોક્કસ અભિપ્રાયને ક્યારે જન્મ આપી દે છે તેનો ખ્યાલ પણ નથી આવતો. અને આ જ નક્કી કરેલો અભિપ્રાય પૂર્વગ્રહની એક એવી દિવાલ ઊભી કરે છે, જેની આરપાર આપણે દ્રષ્ટિ પણ નાખી શકતા નથી.

અમારા શીલાબહેન પણ એક વાર આવી જ ભૂલ કરી બેઠા હતા. પોતાનો જૂનો ફલેટ વેચીને તેઓ ખૂબ જ સરસ મજાના નવા ફલેટમાં રહેવા ગયા. એ જગ્યા સરસ છે. ત્યાંનું આજુબાજુનું લોકેશન પણ સરસ છે. પણ તેમ છતાં તેઓ એ ફલેટ ખરીદીને દુ:ખી જણાતા હતા. માત્ર એટલું જ નહિ, તેઓ તો એ જગ્યા બદલવાનો વિચાર પણ કરતા હતા.
કારણ પૂછ્યું તો કહે – ‘બધું સરસ છે, પણ પાડોશી બરાબર નથી.’
મેં કહ્યું : ‘કેમ ? એમના તરફથી કોઈ હેરાનગતિ થઈ ?’
‘ના રે ના.’ શીલાબહેને કહ્યું.
‘તો પછી કોઈ તકલીફ ? કઈ રીતે તેઓ બરાબર નથી ?’
‘અમે જ્યારે આ નવી જગ્યામાં રહેવા આવ્યા ત્યારે અહીં રહેતા એક બહેને અમને જણાવ્યું કે તમારા પાડોશી બરાબર નથી માટે સંભાળીને રહેજો. બસ, ત્યારથી આ નવા ફલેટમાં રહેવાનો આનંદ ઊડી ગયો.’ શીલાબહેને કહ્યું.
મજાની વાત તો એ હતી કે જે બહેને પાડોશી વિશે અભિપ્રાય આપેલો તે તો એમના માટે અજાણ્યા જ હતાં. છતાં તેની વાતને સત્ય માની એક પૂર્વગ્રહ બાંધી બેઠા.
મેં કહ્યું – ‘શીલા બહેન તમારી માટે તો બન્ને પક્ષ અજાણ્યા છે. કોઈ પણ વ્યક્તિને મળ્યા કે જાણ્યા વગર તમે કઈ રીતે કહી શકો કે તે બરાબર નથી. એક વાર પહેલ તો કરી જુઓ એમને મળવાની.’
શીલાબહેન વિચારમાં પડી ગયા. બોલ્યા : ‘ચાલો શરૂઆત કરી જોઉં.’

આજે અગિયાર વર્ષ થઈ ગયા આ વાતને. જગ્યા નાની પડે છે, છતાં શીલાબહેન એ જગ્યા છોડવા તૈયાર નથી. કારણકે આવો સારો પાડોશ બીજે નહીં મળે, જે ખરેખર સાચ્ચા મિત્રની વ્યાખ્યામાં સમાઈ જાય. ઘણીવાર અમુક વ્યક્તિના અભિપ્રાયથી બાંધેલો પૂર્વગ્રહ સામી વ્યક્તિનું સાચું મૂલ્ય આંકવામાં નડતો હોય છે. જરૂર હોય છે એવી ગાંઠોને છોડવાનું, જે શીલાબહેને કરી બતાવ્યું.

ખરું પૂછો તો માણસ પોતે જ પોતાને પૂરેપૂરો ઓળખી શકતો નથી. સ્વયંને ઓળખવાનો પ્રયત્ન કરતા હોય એવા કેટલા ? છતાં બીજાને ઓળખવાનો દાવો જરૂર કરતા હોય છે. અરે ! ઘણીવાર તો માણસ જે જિંદગી પોતે જીવતો હોય છે, તેમાં વાસ્તવિકતાનો અંશ પણ નથી હોતો. સમાધાન અને સમજણપૂર્વક જીવાતી જિંદગી, જે તેણે ક્યારેય નહોતી ઈચ્છી, તેવી પણ જીવતો હોય છે અને આપણે બહુ જ સહેલાઈથી એના વિશે કે પછી આપણા વિશે ચોક્કસ પ્રકારનો અભિપ્રાય બાંધીને તેને જડતાપૂર્વક વળગી રહીએ છીએ. નિકટની કે દૂરની, કોઈ પણ વ્યક્તિ વિશે અભિપ્રાય બાંધતા પહેલા આપણે ભૂલી જઈએ છીએ કે દરેક માનવીનું વર્તન તેની પરિસ્થિતિ, સમય અને સંજોગો તથા સ્વભાવને આધીન હોય છે. જરૂરી નથી જે માણસ આજે આપણને ખરાબ લાગે છે તે ખરાબ જ રહેશે, અને સારો છે તે સારો જ રહેશે. પરિવર્તન સંસારનો નિયમ છે, જે માણસને પણ બદલી શકે છે, તેમ છતાં આપણે આપણા વિચારોને બદલવા નથી માંગતા. કોઈ પણ વ્યક્તિ સાથેના અંગત સંબંધોમાં જે કાંઈ કડવા કે મીઠા અનુભવ થયા હોય તેના આધારે તેના ગુણ કે અવગુણને એન્લાર્જ કરીને એક છબી મનમાં નક્કી કરી તેનું મૂલ્યાંકન કરતા રહીએ છીએ, જે ઘણીવાર ગેરમાર્ગે દોરી જાય છે. તીવ્ર ગતિથી બદલાતા આ સમયમાં, દરેક બાબત માટે શોર્ટકટની તલાશમાં રહેતો માણસ સામેની વ્યક્તિનો પરિચય પણ શોર્ટકટથી જ કરવા માંગતો હોય છે, જ્યાં ખોટા પડવાની સંભાવના સતત રહેતી હોય છે. હમણાં થોડા દિવસ પહેલા જ એક લગ્ન સમારંભમાં ઈશિતા બહેન મળી ગયા. પરસ્પરના ખબર અંતર પૂછ્યા પછી ધીરેથી તેમણે મને સામેની બાજુ ઈશારો કરી કહ્યું, ‘લોકોએ પોતાના સ્ટેટ્સનો વિચાર કરવો જોઈએ, ગમે તેવા માણસને આમંત્રણ અપાતું હશે ? અમે તો અમારાં લેવલ અને સ્ટેટ્સ પ્રમાણે જ સંબંધ બાંધીએ.’

મેં સામે નજર કરી. જેમની તરફ એમનો ઈશારો હતો એ ચોળાયેલા જૂના કપડાં, વધેલી દાઢી, માથાના વિખરાયેલા વાળ. ટૂંકમાં વિચિત્ર કહી શકાય એવો તે વ્યક્તિનો દેખાવ હતો. ઈશિતાબહેનના લેવલ અને સ્ટેટ્સની વ્યાખ્યામાં તેઓ ફીટ નહોતા બેસતા. બહુ જલ્દી એક અભિપ્રાય બાંધીને તેઓ જતા રહ્યાં. જો થોડી તસ્દી લીધી હોત પેલા વ્યક્તિને જાણવાની, તો મળી શકત એક મહાન હસ્તીને, એક એવા લેખકને, જેને હાલમાં જ ઈન્ટરનેશનલ એવોર્ડ મળ્યો હતો. પણ ઈશિતાબહેને તો શોટકર્ટ અપનાવ્યો. બહારનો દેખાવ જોઈને ખોટી ધારણા બાંધી લીધી.

ઘણીવાર એક જ માણસ વિશે આપણે જુદા જુદા અભિપ્રાય બાંધી બેસીએ છીએ. પૂર્વગ્રહના પાયા પર ચણાતી સંબંધોની ઈમારત પણ ધીરે-ધીરે આંતરિક ઉષ્માથી પર થઈ જાય છે, જેનો ખ્યાલ પણ નથી આવતો. સમાચારપત્ર હોય, મેગેઝિન હોય કે પછી કલાકાર અથવા કોઈ નેતા કે ધાર્મિક સંસ્થા અથવા સાધુ-સંત કે પછી ગમે તે – માણસ જ્યારે એના વિશે એક વિશેષ ગ્રંથિ મનમાં બાંધી લે છે પછી એમાં બાંધછોડને અવકાશ આપી વિશાળ ફલકમાં ઉડવાનું સાહસ કરવાનું ટાળતો હોય છે. સહજ, નિખાલસ, થઈને નથી જીવતો. કારણ વ્યક્તિની મોટાભાગની પ્રવૃત્તિઓ તેની આંતરિક સ્ફૂરણાથી નથી ઉદ્દભવતી, પરંતુ આસપાસની દેખાદેખી નક્કી કરેલા વર્તુળમાં ધુમરાતી હોય છે. એક ગાડરિયા પ્રવાહની જેમ આંખ બંધ કરીને ચાલ્યાં જતાં ઘેટાનાં ટોળામાંનો પોતે પણ એક સભ્ય બનીને રહી જાય છે, જ્યાં પૂર્વનિશ્ચિત કરેલી મનોદશામાંથી છૂટીને મુક્ત ઉદાર દ્રષ્ટિકોણને અપનાવવાની જરૂર તેને નથી લાગતી. એક બંધિયાર વાતાવરણ માણસને કોઠે પડી જાય છે. જો આપણે આપણા આંતરમન પર પૂર્વગ્રહથી ઢાંકેલી ચાદરને ખંખેરીને થોડો અવસર આપીએ, આપણા સુષુપ્ત મનને જગાડીએ, તો જરૂર અનુભવી શકીએ ચેતનવંતા જગતને, એક નવીન અહેસાસને – જ્યાં માણસ માણસને સમજી શકે – કોઈ પણ ગેરસમજ વગર. સમય-સંજોગો ઘડતા હોય છે માણસને અને માણસ ઘડતો હોય છે પરિસ્થિતિઓને.

કોઈપણ વ્યક્તિને સંપૂર્ણપણે સમજવી બહુ અઘરી છે. પળે-પળે બદલાગી જિંદગી, જીવનના નવા સમીકરણને શોધતી હોય છે. માટે કોઈ વિશે અફર અભિપ્રાય બાંધીને ચાલવું શક્ય જ નથી. સહેલું નથી હોતું કોઈના વ્યક્તિત્વનું મૂલ્યાંકન કરવું, જેટલું આપણે બનાવી દઈએ છીએ… જરૂર પડે છે માણસને જાણવા અને સમજવા માટે નિખાલસ હૃદયની. પૂર્વગ્રહોથી મુક્ત થઈને
પ્રમાણિકતાથી ભરેલા મૌલિક વિચારોથી જ્યાં પરિવર્તનને અવકાશ હોય. આખરે આપણે માણસ છીએ. ઈશ્વરની એવી અનુપમ રચના જે અશક્યને પણ શક્ય બનાવી શકે. પહેલ તો કરી જુઓ, નિરાશ નહીં થાઓ.

માણસ માણસને સમજવાની ભૂલ
સદીઓથી ચાલી આવે.
કેડે બાંધેલી પૂર્વગ્રહોની ગાંઠો પણ
ધીમે પગલે દોડી આવે.
આપણે જ કરીએ એક શરૂઆત
એને છોડવાની,
જે માનવીને નવા મૂલ્યોથી શણગારી લાવે…

Print This Article Print This Article ·  Save this article As PDF

  « Previous ટૉરેન્ટો દર્શન – ડૉ. જયકુમાર ર. શુક્લ
હાસ્યોત્સવ – સંકલિત Next »   

20 પ્રતિભાવો : તમે મને ઓળખો છો ? – સ્મિતા કામદાર

  1. બુરા જો દેખન મે ચલા , બુરા ન મીલીયા કોઇ
    જો દીલ ખોજ્યા અપના મુજ સે બુરા ન કોઇ.

    અને સાચી વાત છે કે કોઈના વ્યક્તિત્વનું મૂલ્યાંકન કરવુ એતો સાવ સરળ તો નથી જ.કોઇ વ્યક્તિ વિશે કોઇની ટીપ્પણી કે પુર્વગ્રહ ને આધારે તારણ કરવાથી આપણે તે વ્યક્તિની સાચી ઓળખ મેળવી શકતા નથી.

    લેખીકા ને અભિનંદન.

  2. Hiren says:

    Aa me pehlo Gujarati blog vaachyo. Vaachine bahuj anand no anuhav kari rayo chu.

    Tamari vaat saachi che. Koi pan sambandh ma positive jovathi relationship sudhari jaaye. Similar interest logo saathej sambandh bandhvo joyiye.

    Hame Delhi ma rahiye chiye. Gujarati ma blog kevirite lakhaye please bataavo. Aabhaar.

  3. smita says:

    shri Mrugeshbhai
    Mara vicharo ne vanchko samaksh prastut karava mate aapno aabhar. gujarati- sahity ne website ni pankho aapi vishal falak ma vanchko ne sahel karavvano aapno pryas khrekhar gaurav bhryo chhe.
    ‘read gujarati’pragati ni unchai ne sar karti rahe,ae subhechha sathe…
    Amitbhai tatha Hirenbhai na responce mate aemno aabhar
    … smita

  4. MANVANT says:

    વા વાયો ને નળીયું ખસ્યું…તે દેખીને કૂતરું ભસ્યું :
    કોઇ કહે મેં દીઠો ચોર..કોઇ કહે મૂકો કલશોર !

    વાઘ આવ્યો રે ભાઇ વાઘ…કોઇ ધાજો રે ધાજો !

    આવી છે દુનિયા સ્મિતાબહેન !અભિનંદન.

  5. Vikram Patani says:

    Ghana Abhinandan – vaanchako ney ek navi drashti aapva naa prayas matey..aajey badha bahu ‘busy’ thai gaya chhey and sambandho ni mahek osarva laagi chhey..pratyek manavi ni ek ek hakaratmak and ek ananya olakh hoy chhey jey ghani vaar jaanva maley to man anandit thai jaay…sah-vaanchko ney vinanti key smitaben ni aa vaat yaad rakhey and manviya-atmiya sambandho ney dhadkta rakhey…

  6. MiloneeUrviSohil says:

    Lekhika e Jindgi ni khub mahtva ni vaat atyant sundarta thi prastut kari chhe..Jo aapne harek vyakti nu mulykan thodo samay, thoda Anubhav ane thodi SamajShakti thi kariye to sambandh ni suvas thi aa duniya maheki uthe..
    Lekhika ne khub khub abhinandan sathe aava prayas chalu rakhva vinanti..

  7. Nikita Shah says:

    Ame english medium ma bhanela ne gujrati nu mahtav jaanva chhata kyarey pan tene samjva ni try nathi kari.. friend na force thi aa site par article vaachya ne tyare realise thayu ke ame amari pase rahela amulya khajana ni value nathi karta..Gujrati language ni matta jalvi rakhva aap jeva lekhika ane articles ni ghani jaroor chhe..please aava sundar article raju karta rehjo..

  8. Usha Mahendra says:

    keep it on..comment male ke n male.. appriciation male ke n male pan ek vaat yaad rakhjo..
    There is always someone in this world who is reading your article…

  9. SnehaGuddi says:

    Gujarati Sahitya ne jivant rakhva na praytna me tamaro ek kadam manviy sambandh ne jivant rakhva mate pan ghanu kahi jay chhe..
    Sunder article
    Sunder praytna aapna
    Sundar Gujrati mate..

  10. ashalata says:

    Smitaben,
    sunder article
    sunder jivanne samjvani ane samjavvani
    sunder site
    sunder pratibhavo saday apne malta rahe
    sunder sahityadarshan karavta raheso!

  11. Pravin Patel says:

    NAV GRAHOne pan baajuman besadaadi de aevo anokho PURVAGRAH chhe, KALIYUGno pratinidhi chhe. Sambandho bandhavaaj na de. Smitaben HARDIK shubhechchhaao. saras lekho aapataa raho….

  12. janak mehta says:

    smitaben,very good articale .if human see inside our sefl than he/she kwons what a reality and what he/she do in religious but nowadays every body see profit in anytype of work what i got from this work.Give a other artical soon we hoop god give you lots off idia

  13. hiral says:

    very nice..!!!!
    very positive thoughts…!
    khub j saras plzz keep writing….

  14. BHAGIRATH LASHKARI says:

    SARAS LEKH HATO………….

નોંધ :

એક વર્ષ અગાઉ પ્રકાશિત થયેલા લેખો પર પ્રતિભાવ મૂકી શકાશે નહીં, જેની નોંધ લેવા વિનંતી.

Copy Protected by Chetan's WP-Copyprotect.