મિલન-વિરહ – હસમુખ બલસારા

[ રીડગુજરાતીને આ કૃતિઓ મોકલવા બદલ શ્રી હસમુખભાઈનો (ઍડિસન, ન્યુજર્સી) ખૂબ ખૂબ આભાર. ]

થઈ ગયું…

આવ્યા તમે મારી જિંદગીમાં
સિંદુર મારું સુભાગ્ય થઈ ગયું.

તમારા પગલે પગલે જીવનમાં
સમય, શબ્દ અને સૂરનું ભાન થઈ ગયું.

થઈ ગઈ તમારી રહેમ ને
સુકા રણમાં સિંચન થઈ ગયું.

ટક્કર લાગી નજરથી નજરને
અને અમીરૂપ હેતનું છાંટણ થઈ ગયું.

જીવન તો છે બે ચાર પળનું
મોજ મસ્તીને માનતું થઈ ગયું.

કોને ફીકર છે હવે આ સંસારની ?
જીવન મારું સાફલ્ય થઈ ગયું.

આવ્યા તમે મારી જિંદગીમાં
જીવતર ‘હસમુખ’નું રૂડું થઈ ગયું.

વિરહ વ્યથા

પાછું વળતાં જોઈ ગયા, સુંદર ગીત મૂકી ગયા
પોતે કંઈ ગાયું નહીં, મને ગાતો કરી ગયા.

પડી તમારી કાતિલ નજર, પ્રેમમાં અંધ કરી ગયા
સુપ્ત હતો અહલ્યાની જેમ, તમારા સ્પર્શે જાગી ગયા.

હૃદયના ઉંડાણમાં પ્રીતના સ્પંદનો મૂકી ચાલી ગયા
ધડકતું થયું હૃદય, કિન્તુ આંખોમાં આંસુ રહી ગયા.

સમી સાંજ શોધ્યા, સૂરજ પણ હવે ડૂબી ગયા
નવલખ તારલા સહિત, ચંદ્ર પણ હવે ઊગી ગયા

પાછા ન વળ્યા તમે, વિરહની વ્યથા છોડી ગયા
સદીઓ વિતી ગઈ હવે, પ્રેમ કથા પણ ભૂલી ગયા.

નિર્દોષ અને નિર્મળ, મારી આંખોમાં તમે વસી ગયા
ન જડ્યા આખરે તમે, મદિરામાં અમે ડૂબી ગયા.

Print This Article Print This Article ·  Save this article As PDF

  « Previous બેલેન્સશીટ – તેજસ જોષી
દ્વિજાતા – જયશ્રી Next »   

10 પ્રતિભાવો : મિલન-વિરહ – હસમુખ બલસારા

  1. Natver Mehta says:

    Very Good Poems!
    Keep it up your spirit of writing. I enjoyed them.
    Love is Eternal!!
    પોતે કંઈ ગાયું નહીં, મને ગાતો કરી ગયા.
    Wah Ustad!!

  2. Gira says:

    very nice poems thank you…
    love is sacrifice!! : “હૃદયના ઉંડાણમાં પ્રીતના સ્પંદનો મૂકી ચાલી ગયા
    ધડકતું થયું હૃદય, કિન્તુ આંખોમાં આંસુ રહી ગયા.
    નિર્દોષ અને નિર્મળ, મારી આંખોમાં તમે વસી ગયા
    ન જડ્યા આખરે તમે, મદિરામાં અમે ડૂબી ગયા.

નોંધ :

એક વર્ષ અગાઉ પ્રકાશિત થયેલા લેખો પર પ્રતિભાવ મૂકી શકાશે નહીં, જેની નોંધ લેવા વિનંતી.

Copy Protected by Chetan's WP-Copyprotect.