દશા સારી નથી હોતી – બરકત વિરાણી ‘બેફામ’

[રીડગુજરાતીને આ ટાઈપ કરી મોકલવા બદલ શ્રી અમિતભાઈ પિસાવાડીયાનો (ઉપલેટા, રાજકોટ) ખૂબ ખૂબ આભાર.]

ખુદા, તારી કસોટીની પ્રથા સારી નથી હોતી;
કે સારા હોય છે એની દશા સારી નથી હોતી.

ખૂબી તો એ કે ડૂબી જાય તો લઇ જાય છે કાંઠે,
તરો ત્યારે જ સાગરની હવા સારી નથી હોતી.

સિતારા શું કે આવે છે દિવસ રાતોય ગણવાના,
હંમેશાંની જુદાઇની દશા સારી નથી હોતી.

જગતમાં સર્વને કહેતા ફરો નહિ કે દુઆ કરજો,
ઘણાંય એવાંય છે જેની દુઆ સારી નથી હોતી.

નથી અંધકારમય રસ્તો છતાં ખોવાઇ જાયે છે,
સૂરજને પણ સફર માટે દિશા સારી નથી હોતી.

બધાં સુખનો સમય મળતાં ભરે છે દમ ગરૂરીના,
વસંત આવ્યા પછી અહીંયા હવા સારી નથી હોતી.

કબરમાં જઇને રહેશો તો ફરિશ્તાઓ ઊભા કરશે,
અહીં ‘બેફામ’ કોઇ પણ જગા સારી નથી હોતી.

Print This Article Print This Article ·  Save this article As PDF

  « Previous દિવાળી મીઠાઈ વિશેષ – સંકલિત
મારી શક્તિઓ – સુરેશ પટેલ Next »   

17 પ્રતિભાવો : દશા સારી નથી હોતી – બરકત વિરાણી ‘બેફામ’

  1. Bhavin Shah says:

    Gazab………………
    ખૂબી તો એ કે ડૂબી જાય તો લઇ જાય છે કાંઠે,
    તરો ત્યારે જ સાગરની હવા સારી નથી હોતી.

  2. Jagruti valani says:

    It is True.
    thanks a lot for such nice GAZAL.

  3. deepak says:

    api sako to apno pyaar mangu chhu,
    hraday no hraday thi sahkar mangu chhu,
    aa to rokdo hisab chhe,
    hun kyan udhar mangu chhu…?

  4. keyur vyas says:

    ક્યા ખુબ લિખા હૈ
    really very nice

નોંધ :

એક વર્ષ અગાઉ પ્રકાશિત થયેલા લેખો પર પ્રતિભાવ મૂકી શકાશે નહીં, જેની નોંધ લેવા વિનંતી.

Copy Protected by Chetan's WP-Copyprotect.