મુખવાસ ભાગ-3 – સંકલિત

[રીડગુજરાતી પર સમગ્ર નવેમ્બર-2006 માસ દરમિયાન ‘મુખવાસ વિભાગ’ માં મૂકવામાં આવેલા વાક્યોનો સંગ્રહ ]

[01] જ્યારે કોઈ પુરુષ પોતાની પત્ની માટે ગાડીનો દરવાજો ખોલે ત્યારે સમજવાનું કે ગાડી નવી છે કાં તો પત્ની નવી છે.

[02] પ્રેમના ગણિતમાં એક વત્તા એક એટલે સર્વ અને બે ઓછા એક એટલે શૂન્ય.

[03] સફળતા રીલેટિવ છે, જ્યારે તમને મળે છે ત્યારે તમારાં ઘણાં બધાં રીલેટિવો પેદા થાય છે.

[04] જો તમે કોઈને પ્રેમ કરતાં હો તો બીજા કશાની જરૂર નથી, પરંતુ જો તમે પ્રેમ ના કરતા હો તો બીજું જે પણ તમારી પાસે હોય એનો કોઈ મતલબ નથી.

[05] હું ઑફિસમાં દરરોજ મોડો આવું છું પણ એને સરભર કરવા માટે દરરોજ વહેલો નીકળી જાઉં છું.

[06] જૂની મૂલ્યવાન ચીજો એટલે જેમનો કેટલાય વખતથી સહેજેય વપરાશ નથી એવી ચીજો.

[07] એ માણસ ભલે મૂરખની જેમ બોલતો હોય કે મૂરખની જેમ વર્તતો હોય, તમે એનાથી મૂરખ ન બનતાં, એ ખરેખર મૂરખ જ છે !

[08] ઉંમર તમને પ્રેમ કરતાં રોકતી નથી પણ પ્રેમ તમને ઉંમરલાયક થતાં રોકે છે.

[09] ભૂતકાળમાં જે આંસુ મેં પાડ્યા હતાં તે અત્યારે યાદ કરું છું ત્યારે હસવું આવે છે, પરંતુ મને એ નહોતી ખબર કે ભૂતકાળમાં આપણે જે હસ્યા હતા એ અત્યારે યાદ કરવાથી પણ આંસુ આવે છે.

[10] પ્રેમનું પાત્ર શોધો નહિ, બનો.

[11] નાના શત્રુને નાથવા નાના નાના ઉપાય જ પૂરતા હોય છે. ઉંદરને બિલાડી જ મારે છે, સિંહ નહીં !

[12] આપણો સ્વભાવ આમેય અળવીતરો છે. ઘરમાં આપણને હૉટેલ જેવી સગવડતા જોઈએ અને હૉટેલમાં ઘર જેવી સગવડતા.

[13] ખોટું કામ કરવા માટે હજુ સુધી સાચો રસ્તો કોઈ શોધી જ નથી શક્યું….!

[14] મોતથી ન ડરવું એ વીરતા ખરી, પરંતુ મોત કરતાંય જીવવું વધુ કપરું બની જાય ત્યારે ખુમારીથી જીવી જવું એ ખરી વીરતા ગણાય.

[15] જે માણસ કશું જાણતો નથી તેનું સુખ એ છે કે તેને કોઈ જ બાબતમાં શંકા થતી નથી.

[16] દરેક પુરુષને પત્નીની જરૂર રહેવાની જ. જ્યારે જ્યારે કાંઈક અવળું પડે તે દરેક વખતે એ કાંઈ સરકારનો વાંક થોડો જ કાઢી શકે છે ?

[17] લોકો જો બુદ્ધિપૂર્વક વિચાર કરતાં હોય તો ઘણા છૂટાછેડા અટકી જાય – ઘણાં લગ્નો પણ.

[18] સમય બચાવવાની ઘણી તરકીબો હોય છે. જેમ કે, આજે કરવું જ જોઈએ એવું કામ તમે કાલ પર ઠેલો, તો આજે કેટલો બધો સમય બચી જશે !

[19] ફરિયાદ કરવા જેવું કશું ન હોય, ત્યારે પણ તમે ફરિયાદ જ કરતા રહી શકતા હો તો જાણજો કે તમે લોકશાહીમાં વસો છો.

[20] જૂઠાણું કહેવું સહેલું છે, પણ ફક્ત એક જ જુઠાણું કહેવું ઘણું કઠણ છે.

[21] આપણી બધી જ ત્રુટિઓ જાણ્યા પછી પણ આપણને અપનાવી લે એ મિત્ર અને આપણી બધી જ બાહોશી જાણ્યા પછી બિરદાવવાને બદલે જે એને લલકારે એ દુશ્મન.

[22] કોઈ યુગલે પ્રેમલગ્ન કર્યાં તેના કારણની એક યાદી બનાવીએ પછી એમણે છૂટાછેડા શા માટે લીધા એનાં કારણની બીજી યાદી બનાવીએ તો એ બે વચ્ચે ઘણું સામ્ય દેખાશે !!

[23] ડિસ્કોની વ્યાખ્યા : ડિફેકટિવ ઈન્સ્ટ્રુમેન્ટ સપ્લાઈંગ કંપનીના વાજિંત્રમાંથી જે કઢંગા સૂરો નીકળે એનું નામ ડિસ્કો સંગીત.

[24] લીલુંછમ્મ ઘાસ એ પ્રભુના હાથમાંથી સરકી ગયેલો રૂમાલ છે, જેના એકાદ છેડે કદાચ એનું નામ ગૂંથેલું હોય છે.

[25] ફૂલછોડનો ઉછેર કરવો એ તો શિયાળાની વહેલી સવારે ઈશ્વર સાથે મોર્નિંગ વૉક લેવા જેઉં છે.

[26] નડતર વગરના રસ્તાઓ તો ધારો એટલા શોધી શકો, પરંતુ અફસોસ એટલો જ છે કે આવા મુશ્કેલી વગરના માર્ગ કોઈ મંજિલ સુધી જતા જ નથી.

[27] જગતમાં માત્ર બે જ વ્યક્તિ મૂર્ખ છે. એક નિંદા કરનારી અને બીજી, રસપૂર્વક નિંદા સાંભળનારી !

[28] ખરાબ પુસ્તક દુષ્ટ લુટારા કરતાં વધારે ખરાબ છે. એ તમારો કીંમતી સમય લૂંટી જતા હોય છે.

[29] તમે સુખી હો છતાં તમને તમારા સુખનું કારણ ખબર ન હોય તો માની લેજો કે તમે ખરેખર બહુ સુખી છો !

[30] કેટલાક લોકો નવી કાર ખરીદે ત્યારે એવું માની લે છે કે કારની સાથે એમને રોડ પણ મફતમાં મળ્યો છે.

[31] સુખી થવાનો સચોટ ઉપાય છે : અપેક્ષાની ઉપેક્ષા કરતાં શીખી જવું !

Print This Article Print This Article ·  Save this article As PDF

  « Previous દરિયો વહી ગયો ને કિનારો નથી રહ્યો – જયવતી કાજી
નીતીનાશને માર્ગે (ભાગ : 2) – ગાંધીજી Next »   

11 પ્રતિભાવો : મુખવાસ ભાગ-3 – સંકલિત

  1. shital says:

    અ લેખ વન્ચિ મને ઘનો અનન્દ થયો

  2. DEVEN says:

    બે ઘડિ મન મલકાઈ ગયા જાને
    મિટ્ટૉ મુખ્વાસ ખાઈ લીધૉ.

  3. sanjay says:

    Very Good!Excelant

  4. Harsh patel says:

    Birdavava mate shabdo to hova joie ne!!!

    Gujarati ma mokalso to
    Matru bhasa vanchine anand thase.

    Best regards,

    Harsh Patel

  5. Niral Patel says:

    મજા આવિ યાર બહુ જ સરસ જોકસ

  6. E. Bhakti says:

    Is is simply fantastic..

    feeling really fresh after reading them ..
    Man ma ghana vicharo ni ghanti chalu thayi gayi ..

    Ane mara koi problem ne achanak solution pan jadyu ..

    thanks

  7. E. Bhakti says:

    It is simply fantastic..

    feeling really fresh after reading them ..
    Man ma ghana vicharo ni ghanti chalu thayi gayi ..

    Ane mara koi problem ne achanak solution pan jadyu ..

    thanks

  8. Paras Shah says:

    samp tyy jamp ane cycle tya pamp. jeva suvakyo 6a.
    Khub j gamyu.

નોંધ :

એક વર્ષ અગાઉ પ્રકાશિત થયેલા લેખો પર પ્રતિભાવ મૂકી શકાશે નહીં, જેની નોંધ લેવા વિનંતી.