- Readgujarati.com - http://archive.readgujarati.in/sahitya -

સાત પગલાં સર્વરમાં ! – તંત્રી

ત્રણ દિવસના વિરામ બાદ, પુન: એકવાર આપ સૌ વાચકમિત્રોનું રીડગુજરાતી પર સ્વાગત છે. આમ જુઓ તો કોઈપણ વિભાગમાં કોઈ ખાસ ફેરફાર આપને જણાશે નહિ, પરંતુ પડદા પાછળ ઘણું બધું બની ચૂક્યું છે ! સર્વરની ક્ષમતામાં વધારો કરવામાં આવ્યો છે, આ ઉપરાંત Windows based hosting માંથી હવે Linux based hosting કરવામાં આવ્યું છે જેથી અમુક પ્રકારનું વિશેષ સંરક્ષણ અને સુવિધાઓ આપણને પ્રાપ્ત થાય. આ સિવાય Serverside scripting languge ASP માંથી PHP માં રૂપાંતર કરવાનું કાર્ય હજુ ચાલે છે જેથી સાઈટનું પ્રથમ પાનું તેમજ અન્ય પાનાઓમાં થયેલો ફેરફાર આપ જોઈ શકો છો.

ટૂંકમાં, સરળ શબ્દોમાં કહીએ તો એમ કહેવાય કે નવા ઘરમાં પહોંચીએ ત્યારે સૌથી પહેલા રસોડું ગોઠવાઈ જવું જોઈએ, બાકીનો સામાન તો ધીમે ધીમે ગોઠવાય – બસ આ જ રીતે, આપણા મુખ્ય વિભાગો જેવાકે – સાહિત્ય, પુસ્તક પરિચય અને સાહિત્ય સમાચારને ગોઠવવાનું કામ મહદઅંશે પૂર્ણ થયું છે, એ સિવાય નાના મોટા કામો હજી ધીમે ધીમે ચાલ્યા કરે છે. લેખોને એના પ્રકાર પ્રમાણે ગોઠવવા અને સાઈટના અન્ય પેજીસ બનાવવા, તથા નવી સુવિધાઓ મુકવી વગેરે…. કાર્ય યુદ્ધના ધોરણે ચાલે છે. સાહિત્ય વિભાગમાં આજે એક નાનકડા લેખથી શરૂઆત કરીએ છીએ, અને આવતીકાલથી હંમેશાની મુજબ રોજ નવા બે લેખો સાથે ફરી મળીશું.

વાચકોને પડેલી તકલીફ બદલ ક્ષમા.

નોંધ : ટૂંક સમયમાં રીડગુજરાતીએ લીધેલા લેખકોના ઈન્ટરવ્યૂ તેમજ લેખકો સાથે લાઈવચેટ કરવાની સુવિધાઓ પણ આવી રહી છે. જેમાં દર મહિને એક લેખક સાથેનો વાર્તાલાપ અથવા ચેટ જે અનુકૂળ હશે તે પ્રમાણે મૂકવામાં આવશે. આ સુવિધાના શ્રીગણેશ આપણે સૌપ્રથમ લેખક ડૉ. શરદ ઠાકર સાથેની મૂલાકાતથી ટૂંક સમયમાં કરીશું.

આ ઉપરાંત, રીડગુજરાતીમાં જે-જે વાચકોએ પોતાની કૃતિ મોકલી છે તેઓની કૃતિ વિશ્વવ્યાપી બને તે માટે રીડગુજરાતી પોતાનું પુસ્તક આંતરરાષ્ટ્રિય સ્તરે પ્રકાશિત કરી રહ્યું છે જેના વેચાણથી થયેલી રકમ, સાઈટને વધારે સારી અને ઉપયોગી બનાવવામાં કરી શકાય. આ બંને નવી સુવિધાઓ અંગે વિસ્તૃત વિગત યોગ્ય સમયે મૂકવામાં આવશે પરંતુ આ સુવિધાઓ અંગે આપ સૌ વાચકોનું મંતવ્ય હું ચાહું છું. અહીં કોમેન્ટમાં આપનો અભિપ્રાય કે સૂચનો જણાવશો તો મને વધારે આનંદ થશે.

તંત્રી :
મૃગેશ શાહ
+91 9898064256