- ReadGujarati.com - http://archive.readgujarati.in/sahitya2 -

સુસ્વાગતમ – તંત્રી

પ્રિય વાચકમિત્રો,

જૂન મહિનો એટલે નવા શૈક્ષણિક સત્રની શરૂઆત. નવું દફતર, નવી વોટરબેગ, નવા પુસ્તકો, નવો કલાસરૂમ – બરાબર એ જ રીતે, નવું રીડગુજરાતી, નવું લે-આઉટ, નવા વિભાગો અને નવી સુવિધાઓ ! પણ મિત્રો (એટલે કે તમે) તો એના એ જ ! તેથી પુન: આપ સૌનું રીડગુજરાતી પર સ્વાગત છે.  છેલ્લા એક સપ્તાહથી રીડગુજરાતીના તમામ વિભાગોને નવું સ્વરૂપ આપવાનું કાર્ય સતત ચાલી રહ્યું છે જે હવે પૂરું થવામાં છે. આપ જોઈ શકો છો કે રીડગુજરાતી પર 2005 થી 15-જૂન-2009 પહેલાં પ્રકાશિત થયેલા તમામ લેખોના સાહિત્ય વિભાગને ‘સંગ્રહિત લેખો’ એવું નવું નામ આપવામાં આવ્યું છે.  તમામ લેખોનું ભારણ એક વિભાગ પર ન રહે તે માટે ટેકનિકલ કારણો સર આમ કરવું જરૂરી બન્યું હતું. આ સંગ્રહિત લેખોમાં (archieves) કુલ 2475 લેખો અને આશરે 31000 જેટલા વાચકોના પ્રતિભાવોનો સમાવેશ થાય છે.  રોજેરોજના તાજા લેખો હવે ‘નવા લેખો’ નામના નૂતન વિભાગમાં પ્રકાશિત કરવામાં આવે છે. કોઈ પ્રકારની ટેકનિકલ સમસ્યા ન સર્જાય તે માટે આ સંગ્રહિત લેખોની અનુક્રમણિકા તેમજ કોમેન્ટ લખવાની સુવિધા તે વિભાગ પૂરતી બંધ કરવામાં આવી છે. તેમ છતાં, આ તમામ જૂના લેખો આપ મહિના-પ્રમાણે કે સાહિત્ય-પ્રકાર પ્રમાણે કરેલી ગોઠવણી દ્વારા સરળતાથી વાંચી શકો છો.  જે વાચકમિત્રો RSS Feed નો ઉપયોગ કરતા હોય તેમને અહીં લેખને અંતે  આપેલું નવું સરનામું નોંધી લેવા વિનંતી છે.

રીડગુજરાતીના નવા સ્વરૂપમાં વાચકોને કુલ છ રંગોની પસંદગી આપવામાં આવી છે. આપ આપના મનગમતા લે-આઉટમાં રીડગુજરાતી વાંચી શકો છો. આ સાથે, ગુજરાતી ટાઈપિંગ માટેની સુવિધામાં ધરખમ ફેરફાર કરવામાં આવ્યો છે. તેના દ્વારા આપ ગુજરાતી ટાઈપિંગની સાથે ટૂલબારની મદદ વડે લખાણને યોગ્ય સ્વરૂપમાં ગોઠવી શકો છો. (ટૂંક સમયમાં ત્યાં ‘save’ ની સુવિધા પણ આપવામાં આવશે.) એ જ રીતે ડાઉનલોડ વિભાગને નવા પુસ્તકોથી સુસજ્જ કરવામાં આવ્યો છે. ગુજરાતી વેબસાઈટ્સ ની યાદીને વધારે માહિતીપ્રદ બનાવવામાં આવી છે.  સંપર્ક વિભાગને નવુ સ્વરૂપ આપવામાં આવ્યું છે. તેમ છતાં હજુ, પ્રેસવિભાગ સહિત અન્ય નાના-મોટા વિભાગોનું કામ ચાલી રહ્યું છે. લેખો મોકલવા માટે એક નવી સરળ સુવિધાનો પણ ઉમેરો કરવામાં આવશે. અગાઉ આપવામાં આવેલી ઈ-મેઈલ અને પ્રિન્ટની સુવિધા ટૂંક સમયમાં ઉમેરવામાં આવશે. પરંતુ આ બધું તૈયાર થાય ત્યાં સુધી તમારે રાહ જોવાની જરૂર નથી, કારણ કે આવતીકાલથી (મંગળવાર) આપણે માણીશું રોજ નવા બે લેખો, અહીં આ જ ‘નવા લેખો’  વિભાગમાં. આપના સૂચનો અને પ્રતિભાવો સદા આવકાર્ય છે. કૃપયા નીચેની વિગતો નોંધી લેશો :

સંગ્રહિત (જૂના) લેખોનો વિભાગ :
http://archive.readgujarati.in/sahitya/

રોજેરોજ પ્રકાશિત થતા નવા લેખોનો વિભાગ :
http://archive.readgujarati.in/sahitya2/

જૂના લેખોની RSS Feed :
http://www.readgujarati.com/sahitya/?feed=rss2

નવા લેખો માટે RSS Feed :
http://archive.readgujarati.in/feed/

આ અંગે આપને કોઈ પૂછપરછ કરવી હોય તો કૃપયા સંપર્ક કરો :  Contactus [1]

લિ.
તંત્રી, રીડગુજરાતી.કોમ
મૃગેશ શાહ.