હરિનો કાગળ – મૂકેશ જોષી

હરિનો કાગળ આવ્યો આજ !
જાણે મારા હાથને ઝાલ્યો, એવી આવે લાજ !
હરિનો કાગળ આવ્યો આજ !

હરિ લખે એ વાંચી જાવા આંખો ક્યાંથી લાવું ?
હું તો સાવ અભણ કોની પાસે જઈ વંચાવું ?
કાગળને પણ કંઠ હોત તો થોડો હોત અવાજ !
હરિનો કાગળ આવ્યો આજ !

અક્ષર સાથે છેટું એ શું નથી જાણતા હરિ ?
કાગળ પણ લખિયો તો લખિયો પાનેપાનાં ભરી !
મને ભરી જો હોત હેતથી, કેવા કરતી સાજ !
હરિનો કાગળ આવ્યો આજ !

કાગળનો છે અર્થ, હરિ પણ સ્મરણ કરે છે મારું,
હુંય હરિને ગમું અહો એ લાગે કેવું સારું !
હરિ તમે જાતે આવીને હેલ ઉતારો રાજ !
હરિનો કાગળ આવ્યો આજ !

Print This Article Print This Article ·  Save this article As PDF

  « Previous અછાંદસ કાવ્યો – હિરલ વ્યાસ ‘વાસંતીફૂલ’
ગુલોનો ગુલદસ્તો – મનુભાઈ ભટ્ટ Next »   

11 પ્રતિભાવો : હરિનો કાગળ – મૂકેશ જોષી

  1. Mukesh Pandya says:

    શ્રી મૂકેશ જોષીને ધન્યવાદ. રચના એટલી સુંદર અને સરળ છે કે વાંચતાં જ તેને સંગીતમાં મઢવાનું મન થઈ ગયું. ઈશ્વર ઈચ્છાએ એ કામ પાર પડશે તો રીડગુજરાતીના વાંચકો માં મોકલીશ.

    • Navin N Modi says:

      આ રચના જ્યારે આપ સંગીતમાં મઢો ત્યારે મને જરુરથી યાદ કરજો. આપનો આભારી થઈશ.

    • Navin N Modi says:

      આ ગીત સંગીતમાં મઢો ત્યારે મને યાદ કરવા તો લખ્યું, પરંતુ સરનામું લખતા ભૂલાઈ ગયું. મારું સરનામું છે navinnmodi@yahoo.com

  2. ખુબ સરસ કાવ્ય.

    “કાગળનો છે અર્થ, હરિ પણ સ્મરણ કરે છે મારું,
    હુંય હરિને ગમું અહો એ લાગે કેવું સારું !”

    હરિને સતત આપણું સ્મરણ છે એટલુ જ બસ છે…!!

  3. Kajal says:

    Nice dear…… One of the ultimate creations…………

  4. Navin N Modi says:

    આ કાવ્ય વાંચતા મૂકેશભાઈનું થોડા સમય પહેલાં ટહુકો.કોમ પર માણેલ ઐશ્વર્યાએ ગાયેલું ગીત ”ફોટા સાથે અરજી” યાદ આવી ગયું. બંને ગીત માણતા મીરાબાઈની યાદ આવી ગઈ. મીરા અને મૂકેશ- રાશી તો એકજ ને? થયું મૂકેશભાઈને મીરા સંબોધન કરું તો કેમ?

  5. kalpanadesai says:

    Kavyano ek ek shabda arthsabhar.Khub sunder!

  6. Bakul Sugandhia says:

    Mukeshbhai abhinandan, bahu saras rachna chhe.
    bakul sugandhia

  7. nayan panchal says:

    ખૂબ જ સુંદર રચના.

    નયન

    કાગળનો છે અર્થ, હરિ પણ સ્મરણ કરે છે મારું,
    હુંય હરિને ગમું અહો એ લાગે કેવું સારું !
    હરિ તમે જાતે આવીને હેલ ઉતારો રાજ !
    હરિનો કાગળ આવ્યો આજ !

  8. ghanshyam says:

    મુકેશભાઇ,
    ખુબ ખુબ આભાર
    આવા કાવયો વેબસાએત પર મોકલતા રહેજો
    ઘનશયામ વઘાસિયા

  9. Gajanan Raval says:

    Mukeshbhai writes with innate emotional vision that leads one to unfold
    inner consciousness with bliss!
    Many congrats and hearty love,
    Gajanan Raval
    Greenville-SC,
    USA
    N.B. Would you provide me his email Id/ and Phone No?

નોંધ :

એક વર્ષ અગાઉ પ્રકાશિત થયેલા લેખો પર પ્રતિભાવ મૂકી શકાશે નહીં, જેની નોંધ લેવા વિનંતી.

Copy Protected by Chetan's WP-Copyprotect.