બાળકાવ્યો – સંકલિત

[1] ઉનાળાનો તડકો – ડૉ. આઈ. કે. વીજળીવાળા

ઉનાળાનો કેવો તડકો,
જાણે ધોળો-ધોળો ભડકો !

શેરી રસ્તા ખાલીખમ, ને
પહોળી પહોળી લાગે સડકો.

બપોરના સૌ ઘરમાં બંધ,
લૂ લાગવાનો સૌને ફડકો.

પાણી છાંટો ઘરમાં બારે,
માથે ઠંડા પોતાં ખડકો !

લીંબુ-શરબત છાશ પીઓ સૌ,
કેરી રસનો લો સબડકો !

વાદળ લાવે, વરસાદ લાવે,
તેથી ગમતો અમને તડકો !
.

[2] મધમાખ – ન્હાનાલાલ કવિ

ફૂલ-ફૂલમાં હું ઊડતી ફરું,
ફૂલની રજ મુજ પૂડલે ભરું.

શોધું વાડી વન ને કુંજ,
માંડું મહીં હું ગુંજગુંજ

ગાઉં ઝીણું ને ઊંડું જોઉં,
અમૃત જેવું મધ હું દહોઉં.

મુજ ફૂલ-માખણ લોકો લહે,
લોકો મ્હને ઉદ્યોગી કહે.

રસિયાં જનનાં રસિયાં વેણ,
મધ-શાં મીઠડાં એમનાં કહેણ.

ફૂલનો સત્સંગ નિત્ય હું કરું,
સત્સંગના સાર સહુને ધરું.

Print This Article Print This Article ·  Save this article As PDF

  « Previous બે નિબંધો – તન્વી બુચ
ફાફડા અને જલેબી – સંકલિત Next »   

3 પ્રતિભાવો : બાળકાવ્યો – સંકલિત

  1. Veena Dave, USA says:

    સરસ્

  2. nayan panchal says:

    સરસ મજાના કાવ્યો.

    આભાર,
    નયન

  3. RAJESH MAHETA says:

    SARAS BALGITO,,,MAST…MAST

નોંધ :

એક વર્ષ અગાઉ પ્રકાશિત થયેલા લેખો પર પ્રતિભાવ મૂકી શકાશે નહીં, જેની નોંધ લેવા વિનંતી.