પગલાં કોનાં ? – લાલજી કાનપરિયા

શેરીની ધૂળમાં આ પગલાં કોનાં હજી પડ્યાં છે ?
નીરખી નીરખી કોનાં આહીં લોચન બેઉ રડ્યાં છે ?

એક દિવસ કલબલતું ફળિયું
આજ હવે તો સૂનું
કાળ લસરકે ગયું ભૂંસાઈ,
દર્શન એક સલૂણું !

ટીપું વરસ્યાં વિના વાદળાં નભ વચ્ચે ગગડ્યાં છે !
શેરીની ધૂળમાં આ પગલાં કોનાં હજી પડ્યાં છે ?

મોસમ કેવળ એક હવે છે –
બળબળતો ઉનાળો
ડગલેપગલે વધ્યા કરે છે
તરસ્યુંનો સરવાળો !

જનમપત્રીમાં એક નહીં પણ ગ્રહો નવેય નડ્યા છે !
શેરીની ધૂળમાં આ પગલાં કોનાં હજી પડ્યાં છે ?

Print This Article Print This Article ·  Save this article As PDF

  « Previous પદયાત્રી ગોખલેજી – અમૃતલાલ વેગડ
આ તો ઈશતણો આવાસ – કરસનદાસ માણેક Next »   

7 પ્રતિભાવો : પગલાં કોનાં ? – લાલજી કાનપરિયા

  1. sudhir patel says:

    લાલજીભાઈનું ખૂબ જ સુંદર ગીત માણવાની મજા આવી!
    સુધીર પટેલ.

  2. સુંદર કાવ્ય.

    સમયના નવા પગલાં પડ્યાં ને જુના પગલાં લુછાતા ગયા!

  3. nayan panchal says:

    શેરીમાં પગલાની છાપ તો જોઈ શકાય છે, ડામરિયા રોડ પાસે તો છાપને સાચવવાની ઉદારતા પણ નથી.

    ફળિયુ સૂનુ થઈ ગયુ, શહેર વસી ગયુ.

    સુંદર રચના,
    નયન

  4. Chintan says:

    વાહ..સુંદર કાવ્ય.

  5. કાનપરિયા સાહેબ પાસે ભણતા એ દિવસો યાદ આવિ ગયા ….હજુ પણ તેના વિધ્યાર્થિ હોવાનુ ગૌરવ છે સાહેબની રચનાઓ ની તાજગી ફરી તાજી થાય ગયી આ માટે રીડ ગુજરાતીનો ખુબ ખુબ આભર

  6. ટીપું વરસ્યાં વિના વાદળાં નભ વચ્ચે ગગડ્યાં છે !
    શેરીની ધૂળમાં આ પગલાં કોનાં હજી પડ્યાં છે ?

  7. ghanshyam says:

    લાલજીભાઈ,
    સુંદર કાવ્ય.

નોંધ :

એક વર્ષ અગાઉ પ્રકાશિત થયેલા લેખો પર પ્રતિભાવ મૂકી શકાશે નહીં, જેની નોંધ લેવા વિનંતી.

Copy Protected by Chetan's WP-Copyprotect.