પરબ – ગિરીશ ભટ્ટ

ઘૂંટ પીવો કે ઘડા ?
પરબ પ્રેમની માંડી, ક્યાં આ
લેણદેણના થડા ?
ભીતરથી આવે સરવાણી,
ક્યાંય ન એનું તળિયું;
વ્હેંચો ને એ વધે અધિકું,
કરુણાનું ઝળઝળિયું !
રણની તરસ છિપાવે, ખોબે
ભરીભરી ક્યારડાં;
ઘૂંટ પીવો કે ઘડા ?
પીવાથી તો પમાય, એથી
અદકું પિવરાવ્યામાં;
અશ્રુજળ સિંચી સિંચીને
વનનાં વન વાવ્યામાં.
આઠે પ્રહર અડિંગા દેશે,
કબીરા, ભીતર-ખડા;
ઘૂંટ પીવો કે ઘડા ?

Print This Article Print This Article ·  Save this article As PDF

  « Previous આપણી કૉલેજો વિશે….. – રતિલાલ બોરીસાગર
સાથ છૂટ્યે…. – શંભુપ્રસાદ જોશી Next »   

7 પ્રતિભાવો : પરબ – ગિરીશ ભટ્ટ

  1. nayan panchal says:

    પરબ પ્રેમની માંડી, ક્યાં આ
    લેણદેણના થડા ?

    સાચી વાત છે, જો લોકોને મૂલવ્યા કરીએ તો પ્રેમની પરબ બંધ કરી દેવાનો વારો આવે. તમે જેને ચાહો છો બસ ચાહ્યા કરો.
    જીવ માત્ર, પ્રેમને પાત્ર.

    ખૂબ આભાર,
    નયન

    • Veena Dave. USA says:

      !!!!!!!!!!
      નામ અને પિક્ચર બે વખત જોયા કે રોજ જોવામા આવતો ફોટો બદલાઈ કેમ ગયો …..

  2. અશોક જાની 'આનંદ' says:

    મને પણ એવું જ લાગે કે પીવા ક્રરતાં પીવડાવવામાં વધુ આનંદ છે, પ્રેમરસ…. બસ દિલ ભરી ભરીને પીવડાવો.
    ખૂબ સુંદર ગીત્……..

  3. sudhir patel says:

    ખૂબ સુંદર માર્મિક ભજન-ગીત!
    સુધીર પટેલ.

  4. વિહંગ વ્યાસ says:

    સુંદર રચના.

  5. ભગવાનનો એટલો આભાર કે કબીર,મીરાં,તુલસી,જેવા વિરલાઓ અને એવા અનેક નામી-અનામી સાહિત્યકારોના જમાનામાં “કોપી રાઇટ”નો અમલ નો હતો નહીંતર તેઓની અમુલ્ય રચનાઓ આપણને ના મલત.
    વ્રજ દવે

  6. અશ્વિન ચંદારાણા says:

    ખૂબ જ સુંદર રચના. વાંચી ખૂબ જ આનંદ થયો. ખૂબ જ સુંદર લય…

નોંધ :

એક વર્ષ અગાઉ પ્રકાશિત થયેલા લેખો પર પ્રતિભાવ મૂકી શકાશે નહીં, જેની નોંધ લેવા વિનંતી.

Copy Protected by Chetan's WP-Copyprotect.