ગાંધીડો મારો – દુલા ભાયા કાગ
[ આજે ગાંધી જયંતી તેમજ ‘વિશ્વ અહિંસા દિવસ’ના પવિત્ર દિવસે મહાત્મા ગાંધીના ચરણોમાં શ્રદ્ધાપૂર્વક વંદન કરીને શ્રી દુલા ભાયા કાગ રચિત પ્રસ્તુત કાવ્ય દ્વારા ગાંધીજીને સ્મરીએ. ‘ગાંધી ગંગા’ પુસ્તકમાંથી સાભાર.]
સો સો વાતુંનો જાણનારો
…… મોભીડો મારો ઝાઝી વાતુંનો ઝીલનારો.
ડગલે ડગલે હાલ્યા કરે છે, ઊંચાણમાં ન ઊભનારોઃ
…….. એ….. ઢાળ ભાળીને સૌ ધ્રોડવા માંડે,
…………….. (ઈ તો) ઢાળમાં નવ ધ્રોડનારો…..
નાનાં બાળક જેવો હૈયે લેરીલો, એરૂમાં આથડનારો;
ઈ…… કૂણો માખણ જેવો સાદો ને સાયલો,
………………… કાળને નોતરનારો……
કાળ જેવાને મહાકાળ લાગે છે, આભને બાથ ભીડનારો;
……. સૂરજ આંટા ફરે એવડો ડુંગરો,
………………….. (ઈ) ડુંગરાને ડોલાવનારો.
ઓળખજે બેનડી એ જ એંધાણીએ,
…… એ મારા ખોળાનો ખૂંદનારો;
મારો મોહનજી એ ઝાઝેરું જીવો મારા
…………………. ઘડપણનો પાળનારો
Print This Article
· 
Save this article As PDF
સુન્દર રચના.
આજે ગાંધી જયંતી તેમજ ‘વિશ્વ અહિંસા દિવસ’ના નિમિતે આપણે સાચા ગાંધીજન બનિયે, નહિકે ગાંધીવાદિ.
બાપુ આપને અમારા કોટી કોટી પ્રણામ…..
||નમન ગાંધીને નમન|| || ભારત માતાને ||
કવિ દુલા ભાયા કાગ હોય અને એમની કવિતા હોય અને એ પણ ગાન્ધિજી વિશે..બહુ જ સરસ્.
Vah…!!!! Very nice
વાહ ગાન્ધી તેતો કમાલ કરી તારા ચિલે ચાલનારા ઘણા મળ્યા પણ ગાન્ધી કોઈ ના થઈ શક્યા તેનો બહુ અફસોસ
થાયછે ખૂબ જ સર સ કાવ્ય.
દેદી હમે આઝાદી બિના ખડગ બિના ઢાલ
સાબરમતીકે સંત તુને કર દીયા કમાલ.